Masalimo 53 - Mawu a Mulluku

Onanara wa athu

Wa oohoollella wiipa, voottakihani miipello a nchipo na Mahalati. Endakatulo ya Davide.

¹ Muthu ookarangeya m'murimani mwaye anallota wi, “Mulluku khaawo.” Athu yaalla tti oonanara, enneera ddoottakhalla, khaavo aneera ddaphaama.

² Mulluku oddullu aawarama, anaaweha athu vatthimva wi oone aarimi arivo eezeru, oomwaashaasha olliye.

³ Koma athu attheene aahollowa, attheene aananara moophwanaphwana, khaavo naari mmodda aneera ddaphaama, khaavo naari ni mmoddeene.

⁴ Ethiyo oonanaraalla kheniiwesesa? Ennaamirya athwaaka wonanko yoocha, khenamullapella Mulluku.

⁵ Yaallathi eneerewoova wunchichi okhwaranya khalle, vawi Mulluku aneeromwara makhuva a adanaanyu, muneerewaawulliha muru vawi Mulluku ohaakhoota.

⁶ Ovullusiwa wa Israele ophiye ovenyera o Ziyoni, Apwiya yahokollosella murendelle wa athwiiwa, Yakobo aneerohakallalla, Israele aneerothapella.