Masalimo 47 - Mawu a Mulluku

Oolamulella muullupalli

Wa oohoollella wiipa. Salimo na edduullu dda Kora.

¹ Nyu athu a mitundu ddittheddene, opani matta, khuwellani wa Mulluku voowiipani machipo oohakallalla.

² Vallethi Apwiya Amasiva Mattheene enaphwanella wooviwa, sika mwene muullupalli a va ellapo yavatthi ettheene.

³ Alliwa aanigonjihella athu anchichi, yaaneeriha wi nilamulelle mitundu ddimodda.

⁴ Yaanitthoollella ellapweella wi ekhalle yoohallanaahu, yaanivaha hiyaano athu a Yakobo ellapo yooreeresesa vawi yaanamukonda.

⁵ Mulluku oowella, athu ennamukhuwella. Apwiya aawella, athu ennawiipella nipallapata.

⁶ Ipani machipo oomutitimiha Mulluku, ipani machipo ootitimiha! Ipani machipo oomutitimiha mwenaahu, ipani machipo ootitimiha!

⁷ Mulluku sika mwene a va ellapo yavatthi ettheene, ipani mweeruso machipo ootitimiha!

⁸ Mulluku annalamulella mitundu ddittheddene dda athu, annakeraatthi va mpandwaaye woomwene waweella.

⁹ Oohoollella a athu a mitundu ennatthukumana ni athu a Mulluku a Abrahamu, Vawi mamwene mattheene a vatthimva tti aaye, olliye annatitimihiwa wunchichi.