Masalimo 4 - Mawu a Mulluku

Ovekella wamisikuwa wa nikavihero

Wa oohoollella wiipa, voopharihani mutteko ezida dda enthambo. Salimo na Davide.

¹ Nyu Mullukwaaka oolungama, mukaakhulle kaawiithanakani. Kakatamihiweemi mwaawa mukikavihera. Mukeerelle echifundo nave iwani ovekella waka.

² Athu nyu, munaahiye niini okivevulla? Ophiyera niini munaakondekeenyu ddeko shisha, waashaasha ddeko ddawoottha?

³ Koma vano mudduwelle wi, Apwiya Ahiipatulella athu oolungama. Apwiya enniiwa kaawiithanaka.

⁴ Mumooveke Mulluku, muhichimweke mwakonaatthi mahiiyu, muganizereke ddenndda m'murimani mwanyu nave mukhurumuwe

⁵ Muvelleelleke mikutho moolungama nave mwaaroromelleke Apwiya.

⁶ Anchichi enallota wi, “Ttaani anaanoonihelle ddaphaama.” Niwalihelleni ekhovaanyu Apwiya!

⁷ Koma ohakallalla nko mukivahilleenyu m'murimani mwaka, wohaakhwaranya ayo eri ni ddoocha ni ddoowirya ddinchichi.

⁸ Kineerokonaatthi ni okona mwamurendelle, vawi tti nyeeneve Apwiya munakiteteza miyaano.