Masalimo 29 - Mawu a Mulluku

Mawu a Mulluku mu namondwe

Salimo na Davide.

¹ Atitimiheni Apwiya, nyu ookhalla muddullu, titimihani oriiheya wiwa ni masiviiwa.

² Titimihani oriiheya wa nnddina na Apwiya, llapellani oreera wa weella wiwa.

³ Mawu a Apwiya enniiweya vaddullu va enyanja, Mulluku ootitimiheya annagugudeya wonanko murimu, mawaaye enniiweya va enyanja yoowallamella.

⁴ Mawu a Apwiya tti amasiva, mawu a Apwiya aakhalla ni olamulello.

⁵ Mawu a Apwiya enninttaka mikunguza, Apwiya ennakotholla mikunguza dda o Lebanoni.

⁶ Ennaalluphalluphiha mwaango wa Lebanoni wonanko musaanaang'ombe, enniiniha mwaango wa Sirioni wonanko musaana a enari.

⁷ Mawu a Apwiya ennasherima wonanko ettari.

⁸ Mawu a Apwiya ennatikha nihaka, Apwiya ennatikha echipululu ya Kadeshi.

⁹ Mawu a Apwiya ennaapheelliha miteekho dda mwaaka ennavullulla makattha amiteekho ddittheddene muutthakoni. Attheene a mu enyumbiiwa ennakhuwa wi, “Otitimiheya!”

¹⁰ Apwiya ennalamulella enyanja yoowallamella ddittheddene, ennakhalla va mpando woomwene wa enthawi yoohimalla.

¹¹ Apwiya ennaavaha masiva athwiiwa, ennaadalisa ni murendelle.