Masalimo 28 - Mawu a Mulluku

Ovekella okaviheriwa

Salimo na Davide.

¹ Nyu Apwiya, kinnawiithanani nyu nlluku naka, muhinakhalla wonanko khamunakiiwa kaambiiwa mweera ellapo tuu, kineerophwanaphwana ni ookitthella o mahame.

² Iwani oveka waka, kaawinllellakani wi mukikavihere, kawuullapellakani mootukhullella muddullu mattaaka oweha o nipuro nanyu naweella.

³ Muhikivenyihelle nimodda ni athu aweera ddoonanara, ayo eneera ddoolleka, ayo enallota ddamurendelle koma m'murimani mwiwa muddanlle ddawiitana.

⁴ Mwaahokolloselle ddoonanara athu awiiddiiddaalla moollikana ni mitteko ddiwa, mwaallake moollikana ni ddaweera ddiwa.

⁵ Kaambiiwa khenapwatha mitteko dda Apwiya, naari nnddo ddaphatusiwe ni alliwa. Apwiya eneerowaakumulla wonanko enyumba, oohaamakattho.

⁶ Apwiya etitimiheye vawi ahiiwa oveka waka.

⁷ Apwiya sika masivaaka, alliwa tti echishangwaaka. Murimaaka onnaaroromella, vawi alliwa aakikavihera. Sika murimaaka woohakallalla, kinnathokoza ni echipwaaka.

⁸ Apwiya sika masiva a athwiiwa woothawella nko oozoziwiiwa* anavulluwelliiwawo.

⁹ Nyu Apwiya, avulluseni athwaanyu, mwaadalise ayo eri yoohallanaanyu, mukhalle mbusiiwa, mwaapwathe wa enthawi yoohimalla.