Masalimo 20 - Mawu a Mulluku

Ovekella wawi mwene apambane vakhotoni

Wa oohoollella wiipa. Salimo na Davide.

¹ Apwiya ewaakhulleni va enthawi ya ddoohoosa, nnddina na Mulluku a Yakobo nuuteteze.

² Yuukavihereni ovenyera onipuroni niwa naweella, yuuseereni ovenyera o mwaango wa Ziyoni.

³ Yuupuwelle ddoovelleella ddanyu ddittheddene, yaakhullelle mukuthwaawo wooshellelliha

⁴ Yuuvaheni ddoopaalla dda murimaanyu, ekwakhwanihelle ddoopaalla ddanyu

⁵ Sika niipe moohakallalla kaambiiwa moopambana vakhotoni, niwellihe embendela otitimiha nnddina na Mullukwaahu. Apwiya ekwakhwanihe ddittheddene muvekilleenyu.

⁶ Vano kinnadduwella wi Apwiya ennamoopolla oozoziwiiwa.* Ennamwaakhulla eri oddullu, onipuroni niwa naweella, voomuvullusani mwamasiva a nnattanatta niwa.

⁷ Amodda enaaroromella magareta akhoto, amodda enaakotella akavalo koma hiyaano ninakotella nnddina na Apwiya Mullukwaahu.

⁸ Adani eneerotthomowa emore, koma hiyaano nineerovenya niimelle.

⁹ Apwiya mpambaniheni mwenaanyu, munaakhulle naawiithanaka.