Masalimo 2 - Mawu a Mulluku

Malonjezo a Mulluku wa oozoziwaaye

¹ Kaambiiwa tini athu a mitundu ddimodda enapaalliiwa owukila? Kaambiiwa tini athu yaalla eniiwananiiwa ddoohikhalla ni mutteko?

² Mamweniiwa ennapangana ddakhoto, oolamulelliiwa enniiwanana ddoonanara, ddawaawukila Apwiya ni oozoziwiiwa.*

³ Eni, “Hankoni niphadde onyolwiiwoolla. Niittaphulle omikweeni ddiwa.”

⁴ Apwiya ayo eri oddullu, ennaattheya ni waanyaambusa.

⁵ Moonanariwa, eneerewaahumullulla, moowoopopiha, eneerewaasimwella.

⁶ Apwiya enallota wi, “Kaamutthoolla khalle mwenaaka, vamwaangoni waweella wa Ziyoni.”

⁷ Vano mwenooyo anallota wi, “Kineerollalleya nnddo Apwiya evuwihalliiwa. Yaakilleella wi, ‘Weyaano tti mwanaka, ollello kohuuyara.

⁸ Ngakiveke woone, kineerotthattusa mitundu wi ddikhalle yoohallanaawo. Ellapo ettheene yavatthi enaakhalle yaawo.

⁹ Oneerewaanyenya ni ekopwaawo ya mukoko ni waakhaddulla enyenyeri enyenyeri wonanko epalli.’ ”

¹⁰ Sika nyu mamwene khallani eezeru, chenjerani nyu oolamulella ellapo yavatthi.

¹¹ Arumeyelleni Apwiya mwawoova, atitimiheni mootthukumella.

¹² Mukokhorelleni moomugonjella mwanaye, wi ahuunanariwelleni, wi muhoonongeye, vawi khanallekella osha murima. Oodalisiwa tti ayo enathawella wa olliye.