Masalimo 16 - Mawu a Mulluku

Ovekella wawooniha waaroromella Apwiya

Salimo na Davide.

¹ Nyu Mulluku, kitetezeni, vawi tti woothawella waka.

² Kinnaalleella Apwiya wi, “Nyu tti Apwiyaaka, nginna yaphaama koma nyeeneve.

³ Naaka dda athu aweella murima, ayo eri vatthimva tti ooriiheya! Alliwaayo ennakihakallalliha.

⁴ Koma ayo enatthoolla milluku ddimodda, ennaddoonjereriha ddookatamiha. Ngihellana mikutho ddiwa ddoowirya dda nikhame, ngiromollana manddina a milluku ddiwannddo.

⁵ Nyu Apwiya sika eyuumaaka ni yoohallanaaka, okumaaka ori m'mattani mwanyu.

⁶ Mapuro kikawelliweemi tti aphaama, yoohallanaaka tti yooreeresesa.

⁷ Kineerewaatitimiha Apwiya ayo eri namukwaaka, naari ni mahiiyweene murimaaka onnakilangiza.

⁸ Erive enthawi kinnaahiya vamurimani Apwiya, vawi eri onnattanatta waka, sika khaavo oyo anaakitikhe.

⁹ Sika murimaaka onnahakallalla, muwariwari mwakammu kinnattaphuwa, okumaaka wookhalla ni murendelle.

¹⁰ Miyaano oororomelleyaanyu, khamukihiya o ellapo ya ookhwa, khamwaakhullella wi kuntelle mu mahame.

¹¹ Munnakitthoonyihella ettilla ya okumi, ophwanyeya wanyu onnakihakallalliha wunchichi miyaano. Onnattanatta wanyu, kinnahakallalla wa enthawi yoohimalla.”