Masalimo 15 - Mawu a Mulluku

Makhallello oomuddivella Mulluku

Salimo na Davide.

¹ Nyu Apwiya, ttaani anaawore okhalla mpa mwanyu? Ttaani anaawore okhalla vamwaangonaanyu waweella?

² Tti oyo aneeta moohilakwa, oyo aneera ddoolungama erive enthawi, oyo anallota ovenyera vatthi va murima.

³ Tti oyo ahinatetemura aallotaka, oyo ahinaweerella akhwaaye ddoonanara, oyo ahinamullota miseche mukhwaaye.

⁴ Tti oyo anamunyaambusa ookhootiwa ni Mulluku, oyo anaariiha athu oowoova Apwiya. Tti oyo eneera nnddo allupenlleeye, naari ddiri ddoovoreya mwawiidde.

⁵ Tti oyo ahinaakongoliha wi aakhellevo yawoonjerera, Tti oyo ahinaakhella ddamukaphwani, wi amuhooseke muthu oohilakwa. Muthu aweera ddenndda khawa atikheya.