Masalimo 149 - Mawu a Mulluku

Nchipo nootitimiha

¹ Aleluya! Wiipelleni Apwiya nchipo nanaanweene, ipani nchipo nowaatitimiha va mutthukumano wa oororomelliwa.

² Aisraele ehakallalle ni awaaphatusiiwa, athu a o Ziyoni ethapelle ni mweniiwa.

³ Etitimihe nnddina niwa vawiinani, ewiipelle nchipo nooriya ni ekoma owaaka azeze.

⁴ Vawi Apwiya ennahakallalla ni athwiiwa, ennaariiha athu awiiyeviha vawaavullusani.

⁵ Oororomelleya ehakallalle ni opambana wiwa, yiipeke moohakallalla naari ekonaatthille vabedini viwa.

⁶ Emutitimihe Mulluku moowelliha mawu, masupada awiisha nngu ni nngu eri m'mattani

⁷ wi yaahokolloselle ddoonanara athu a mitundu ddimodda, wi ellake mitundu ddeelleto,

⁸ wi yaamake mamweniiwa ni onyolo, enduna ddiwa ni mikoko,

⁹ wi yaallake moollikana ni mmo ddalembelliwiiwa, nenno sika ntitimiho na awaaroromella Apwiya. Aleluya!