Masalimo 141 - Mawu a Mulluku

Nivekello namisikuwa

Salimo na Davide.

¹ Nyu Apwiya, kinnawiithanani, akuvani wi mukikavihere. Kireyeni maaru wi mwiiwe mawaaka, kaavekellaka wa nyuwaano.

² Nivekello naka niwelle wa nyuwaano wonanko lubani,* otukhullella muddullu wa mattaaka okhalle wonanko mukutho wamisikuwa.

³ Nyu Apwiya, mumuhiye mulonda vayanoni vaka, muwehere va mullako wa eyano ddaka.

⁴ Muhinaakhullella wi murimaaka otthettemanelle o ddoonanara, kiivelleelle o mitteko ddoonanara, wa athu oonanara, kichekena machellellwiiwa.

⁵ Muthu oolungama ttuuwora okivadda, okihumullulla ekaamba yawi annakeerella echifundo. Koma kihaakhelle olemu wa athu oonanara vawi kinnavekella moovaanyihana ni mitteko ddiwa ddoonanara.

⁶ Oolamulelliiwa yavelleelliiwa wa ollaka vano eneerewiiwa wi mawu a Apwiya tti oohakallalliha.

⁷ Mmo ekhuni ddinamwareyelliiwa ddatthalliwa tti mmottho makhuviiwa enamwareyelliiwa o mahame.

⁸ Koma miitthwaaka ennawehave wa nyuwaano, Apwiya Mullukwaaka. Kinnathawella wa nyuwaano wi mukiteteze, muhinakihiya kihinna ookiseera.

⁹ Mukivulluse o musampha oyo ekireyilliiwa ni o nikwekwe na athu aweera ddoonanara

¹⁰ Athu oonanara attheene ekoliwe mu nikwekwe niwa, koma miyaano kivulluwe.