Masalimo 14 - Mawu a Mulluku

Oonanara wa muthu

Wa oohoollella wiipa. Salimo na Davide.

¹ Muthu ookarangeya m'murimani mwaye anallota wi, “Mulluku khaawo.” Athu yaalla tti oonanara, enneera ddoottakhalla, khaavo aneera ddaphaama.

² Apwiya oddullu aawarama, enaaweha athu vatthimva wi yoone aarimi arivo eezeru, oomwaashaasha Mulluku.

³ Koma athu attheene aahollowa, attheene aananara moophwanaphwana, khaavo naari mmodda aneera ddaphaama, khaavo naari ni mmoddeene.

⁴ Ethiyo oonanaraalla kheniiwesesa? Ennaamirya athwaaka wonanko yoocha, khenaallapella Apwiya.

⁵ Yaallathi eneerewoova wunchichi vawi Mulluku anakhalla embali ya oolungama.

⁶ Nyu oonanara, munnaanganyera ddoolinga dda oopaneya, koma Apwiya sika woothawella wiwa.

⁷ Ovullusiwa wa Israele ophiye ovenyera o Ziyoni. Apwiya yahokollosella murendelle wa athwiiwa, Yakobo aneerohakallalla, Israele aneerothapella.