Masalimo 136 - Mawu a Mulluku

Nchipo noothokozella

¹ Athokozeni Apwiya vawi tti aphaama, echikondiiwa yoohisintheya tti ya enthawi yoohimalla.

² Muthokozeni Mulluku a milluku, echikondaaye yoohisintheya tti ya enthawi yoohimalla.

³ Athokozeni Apwiya a apwiya, echikondiiwa yoohisintheya tti ya enthawi yoohimalla.

⁴ Apwiya yaayove eneera ddoottikhiniha dduullupalli, echikondiiwa yoohisintheya tti ya enthawi yoohimalla.

⁵ Yaaphatusa ddooddullu ni ezeru ddiwa, echikondiiwa yoohisintheya tti ya enthawi yoohimalla.

⁶ Yaayimaka ellapo yavatthi vaddullu va maaddi, echikondiiwa yoohisintheya tti ya enthawi yoohimalla.

⁷ Yaaphatusa ddoomolleella dduullupalli ddamuddullu, echikondiiwa yoohisintheya tti ya enthawi yoohimalla.

⁸ Yaaphatusa nndduwa wi nilamulelleke otthaana, echikondiiwa yoohisintheya tti ya enthawi yoohimalla.

⁹ Yaaphatusa mweeri ni etheneeri wi ddilamulelleke mahiiyu, echikondiiwa yoohisintheya tti ya enthawi yoohimalla.

¹⁰ Yaawiipha anamwani awaamba a Aiguputo, echikondiiwa yoohisintheya tti ya enthawi yoohimalla.

¹¹ Yahaakhumiha Aisraele variyari viwa, echikondiiwa yoohisintheya tti ya enthawi yoohimalla.

¹² Yahaakhumiha ni nnattanatta ni muwono woottaphurusa, echikondiiwa yoohisintheya tti ya enthawi yoohimalla.

¹³ Yaakawa variyari Enyanja Yoofiira, echikondiiwa yoohisintheya tti ya enthawi yoohimalla.

¹⁴ Yahaallapusa Aisraele oweella vaavo, echikondiiwa yoohisintheya tti ya enthawi yoohimalla.

¹⁵ Koma ahaamiryiha Farao ni akhotwaaye mu Enyanja Yoofiira, echikondiiwa yoohisintheya tti ya enthawi yoohimalla.

¹⁶ Yahaahoollella athwiiwa mu echipululu, echikondiiwa yoohisintheya tti ya enthawi yoohimalla.

¹⁷ Yaawiipha mamwene amasiva, echikondiiwa yoohisintheya tti ya enthawi yoohimalla.

¹⁸ Yaawiiphattho mamwene oovuwa, echikondiiwa yoohisintheya tti ya enthawi yoohimalla.

¹⁹ Yaamwiipha Sihoni, mwene Aamori, echikondiiwa yoohisintheya tti ya enthawi yoohimalla.

²⁰ Yaamwiipha Ogi, mwene a o Bashani, echikondiiwa yoohisintheya tti ya enthawi yoohimalla.

²¹ Yaavelleella ellapo ya mamweneeyo wa athwiiwa, echikondiiwa yoohisintheya tti ya enthawi yoohimalla.

²² Yaavelleella wi ekhalle yoohallana ya Israele, oorumeyelliiwa echikondiiwa yoohisintheya tti ya enthawi yoohimalla.

²³ Yaanuupuwella navevuwalleehu, echikondiiwa yoohisintheya tti ya enthawi yoohimalla.

²⁴ Yaanivullusa wa adanaahu, echikondiiwa yoohisintheya tti ya enthawi yoohimalla.

²⁵ Ennavaha yoocha ddookumi ddittheddene, echikondiiwa yoohisintheya tti ya enthawi yoohimalla.

²⁶ Muthokozeni Mulluku ooddullu, echikondiiwa yoohisintheya tti ya enthawi yoohimalla.