Masalimo 130 - Mawu a Mulluku

Nivekello na nikavihero

Nchipo nawiipiwa voowellani o Yerusalemu.

¹ Nyu Apwiya, kinnawinllellani, kiri moowallamella.

² Nyu Apwiya, iwani mawaaka, kireyeni maaru wi mwiiwe ovekella waka.

³ Nyu Apwiya, mweerengella machimo, ttaani ahinaaphwanyeye ni mullatu.?

⁴ Koma nyu, munnakhululuka, wi mooviweke.

⁵ Kinnatiyera nikavihero na Apwiya, kinnaweherella ni murima muttheene, kinnaroromella mawiiwa.

⁶ Murimaaka onnaatiyera Apwiya, okhwaranya mmo mulonda anaweherelleeye osa, ddawoona, okhwaranya mulonda anaweherelleeye osa.

⁷ We Israele, atiyerelle Apwiya, vawi wa Apwiya wookhalla echikondi yoohisintheya, wooddalla woopolla.

⁸ Eneerowoopolla Aisraele o machimwiiwa mattheene.