Masalimo 13 - Mawu a Mulluku

Ovekella wa nikavihero

Wa oohoollella wiipa. Salimo na Davide.

¹ Nyu Apwiya, munaakitiwalle ophiyera niini? Ethiyo munaakiipitthihelle ekhovaanyu wa enthawi yoohimalla?

² Ethiyo kinaahoowe m'murimani mwaka ophiyera niini? Ethiyo kimoriweke ethakaraka otthaana ni mahiiyu? Ethiyo adanaaka enaakinyingallelleke ophiyera niini?

³ Mukuupuwelle, mukaakhulle, Apwiya Mullukwaaka, llipihani miitthwaaka wi kihikhwelle wiirulloni.

⁴ Adanaaka ehillote wi, “Noomugonjiha!” Ehihakallalle ni omorihiwa waka.

⁵ Koma miyaano kinaroromella echikondaanyu yoohisintheya, murimaaka oneerohakallalla kaambiiwa mookivullusa.

⁶ Kineerowiipellani Apwiya vawi mookeerella ddaphaama.