Masalimo 129 - Mawu a Mulluku

Ovekella wawi adani a Israele ellakiwe

Nchipo nawiipiwa voowellani o Yerusalemu.

¹ Vano Israele allote wi, “Adani aakhalla ekihoosaka wunchichi waambeella kiri musombwe.”

² “Adani aakhalla ekihoosaka wunchichi waambeella kiri musombwe komave kheyaapambanille.

³ Yaanallima vamutthanani vaka, ollima mizere ddoorekama.

⁴ Koma Apwiya tti oolungama, aaphadda mikwe dda athu oonanara.”

⁵ Athu attheene awiitana ni Ziyoni ewullihiwe muru, ehokollweelle mutulli.

⁶ Ekhalle wonanko manasi oomella vaddullu va enyumba, oonyaalla ehinannuwe.

⁷ Awaatulla khaddalliha naari m'mattani oomaka ereche khamaka naari nantita.

⁸ Athu oovira khewa ellota wa ootullooyo wi, “Madaliso a Apwiya ekhalle ni weyaano.” “Ninnudalisani mu nnddina na Apwiya.”