Masalimo 128 - Mawu a Mulluku

Yoothuviwa ya muthu oowoova Apwiya

Nchipo nawiipiwa voowellani o Yerusalemu.

¹ Oodalisiwa tti arive muthu oyo anawoova Apwiya, oyo aneeta mu ettilla ddiwa.

² Onaache ezipaso dda mitteko dda mattaawo, onaadalisiwe ni ddeko ddaphaama.

³ Mwaariyo anaakhalle wonanko muteekho wa mpesa wawimma muwari mwa enyumbaawo. Anaawo enaakhalle wonanko ddoophuwa dda muteekho wa olivi voomwaapheellani tebulwaawo.

⁴ Ddawoona, tti mwemmo anamudaliselleeye muthu oowoova Apwiya.

⁵ Apwiya yuudalise ovenyera o Ziyoni, woone ddaphaama dda Yerusalemu, mallapo mattheene a okumaawo.

⁶ Okhalle ni okumi woorekama wi woone edduullu ddawo. Murendelle okhalle ni Israele.