Masalimo 126 - Mawu a Mulluku

Nivekello na ovullusiwa

Nchipo nawiipiwa voowellani o Yerusalemu.

¹ Apwiya yanihokolloselliiwa o Ziyoni, nakhalla wonanko ninimalloha.

² Naattheya wunchichi, nahiipa ellullu moohakallalla. Mitundu ddimodda dda athu ddaallota wi “Apwiya yaaweerella dduullupalli.”

³ Ddawoona, Apwiya yaaneerella dduullupalli nave naahakallalla.

⁴ Nyu Apwiya, nihokolloselleni ddaphaama, nikhalle wonanko mihinje dda muchipululuni.

⁵ Athu ayo enamidda yinllaka, eneerohata ehakallallaka.

⁶ Muthu oyo anaya woomidda mmiddo inllaka, aneerohokollweella owaniwa akhuwaka moohakallalla, atukhullalle mitolo ddaye ddinchichi.