Masalimo 123 - Mawu a Mulluku

Nivekello na echifundo

Nchipo nawiipiwa voowellani o Yerusalemu.

¹ Kinnatukhulla miitthwaaka oweha wa nyuwaano, nyu munakhalla va mpando woomwene oddullu.

² Mmo allupa mutteko aallopwana enaweheriiwa o nnatta na apwiiwa, mmo allupa mutteko aatthiyana enaweheriiwa o nnatta na apwiiwa aatthiyana, tti mwemmo ninawehereehu wa Apwiya Mullukwaahu, ophiyera eneerelle echifundo.

³ Muneerelle echifundo, nyu Apwiya, muneerelle echifundo vawi adanaahu aanivevulla wunchichi.

⁴ Wa enthawi yoorekama, athu eeyuuma aaninyemulla, athu awiitukhulla aanivevulla.