Masalimo 121 - Mawu a Mulluku

Mulluku ootetezaahu

Nchipo nawiipiwa voowellani o Yerusalemu.

¹ Kinnatukhullella miitthwaaka oweha omwaangoni. Ethiyo nikavihero naka ninavenyera wuuwi?

² Nikavihero naka ninavenyera wa Apwiya, ayo yaphatusalle oddullu ni ellapo yavatthi.

³ Khewa yaakhullella wi nnyallo nawo niserenguwe, oyo anuuteteza khawa akwindima.

⁴ Ddawoona, oyo anamuteteza Israele, khawa akwindima apaalle okona.

⁵ Apwiya sika awuutetezaawo, Apwiya sika muuthuuchaawo wa o nnattanatta nawo.

⁶ Nndduwa khaniwa niwoosa otthaana, mweeri khowa wuukatamiha mahiiyu.

⁷ Apwiya eneerewuuteteza o ddoonanara ddittheddene, eneerosunga okumaawo.

⁸ Apwiya eneerewuupwatha vookhumani ni voovollowani waambeella ollello wa enthawi yoohimalla.