Masalimo 120 - Mawu a Mulluku

Nivekello na nikavihero

Nchipo nawiipiwa voowellani o Yerusalemu.

¹ Kaawinllella Apwiya mu ddookatamiha ddaka nave yaakaakhulla.

² Kaallota wi, “Nyu Apwiya, kivulluseni wa athu awoottha ni oolleka.”

³ Nyu athu oolleka munaavahiwe tini? Ethiyo munaaweerelliwe tini?

⁴ Muneerohoosiwa ni mipaamba ddootthokowa dda muthu akhoto ni mankhalla amunllo.

⁵ Otulli wa mi miyaano, vawi kiri o Mesheki, kinakhalla va Akedara,

⁶ kookhalla enthawi yoorekama ni athu awiitana ni murendelle.

⁷ Mi kinnapaalla murendelle koma kallota dda murendelle, alliwa enapaalla ekhoto.