Masalimo 114 - Mawu a Mulluku

Nchipo na Paska

¹ Israele akhumalleeye o Iguputo, nibanja na Yakobo o mutundu wa athu a ellotello yeelleto,

² Yuda aatthattuwa nipuro naweella na Apwiya, Israele aatthattuwa a mu omweniiwa.

³ Enyanja yahoona ddenndda ethawa, muhinje wa Yordani waahokollweella mutulli.

⁴ Miyaango dduullupalli ddinnanthamuwa wonanko anankhoro a enkhosa, asimiyaango ennathawa wonanko asaanaankhosa.

⁵ We enyanja enuukatamiha tti tini wi othaweke? We Yordani onahokollweellella tini mutulli?

⁶ Nyu miyaango, enuukatamihani tti tini wi onthamuweke wonanko enkhosa?

⁷ We ellapo yavatthi tthukumella kaambiiwa Apwiya enimawa, ddawoona, Mulluku a Yakobo animawa

⁸ Olliye annatthattusa nlluku okhalla nthiya, nlluku noollipa okhalla aneetuutu.