Masalimo 112 - Mawu a Mulluku

Ohakallalla wa muthu aphaama

¹ Aleluya! Oodalisiwa tti muthu oyo anawoova Apwiya, ookonda osunga malamulwiiwa.

² Edduullu ddaye ddineerokhalla dda masiva va ellapo yavatthi, anamwani a muthooyo eneerodalisiwa.

³ Nibanja naye nineerokhalla na eyuuma ni nootukhuwa, echilungamwaaye onaakhalle wa enthawi yoohimalla.

⁴ Naari enthawi ya epiphi, muthu oolungama aneeta moowala, kaambiiwa tti ooreera murima, eechifundo ni awoona.

⁵ Muthu oyo anakongoliha moohipaalla opindula, oyo aneetiha mitteko ddaye mweechilungamo, ddeko ddaye ddinnamweetella phaama.

⁶ Vawi muthu oolungama khanatikheya naari vang'ono, khatiwalleya wa enthawi yoohimalla.

⁷ Khanoova epilli yoonanara, murimaaye khonasintheya, annaaroromella Apwiya.

⁸ Tti oollipa murima, khanoova, voomallihellani aneerowoona adanaaye egonjille.

⁹ Annavelleella moohummella wa athu oohoowa, Echilungamwaaye tti yoohimalla, aneeroriihiwa ni ovahiwa olemu.

¹⁰ Muthu oonanara annoona ddenndda, ddinnamushiha murima. Annakhuriiha miino nave annarimeella, ddoopaalla ddaye khaddiwa ddeereya.