Masalimo 110 - Mawu a Mulluku

Mwene ootthoolliwa ni Apwiya

Salimo na Davide.

¹ Apwiya yahaalleella apwiyaaka wi, “Khalla o nnattanatta naka ophiyera kaatthattusalle adanaawo voonyingallavo manyallwaawo.”

² Apwiya eneerowunnuwiha omwenaawo wamasiva ovenyera o Ziyoni. “Khalla mwene owaalamulella adanaawo.”

³ Athwaawo eneerewiivelleella mwa opaalla wiwa va nllapo nno onaawooniheewe masivaawo vamwaangoni waweella. Asombwaawo eneeroowa wa weyaano mwawaata wonanko nikame ohinase.

⁴ Apwiya aallupella khesintha maganizwiiwa awi, “We tti mullupa mukutho wa enthawi yoohimalla, omullupa mukuthweene wonanko wa Melkizedeki.”*

⁵ Apwiya eri onnattanatta nawo, eneerewaanyenya mamwene va nllapo na osha murima wiwa.

⁶ Eneerollaka mitundu dda athu amodda, eneeroddalliha ellapo ettheene ni mitembo, eneerewaagonjiha oolamulella va ellapo yavatthi ettheene.

⁷ Muttilla, mwene aneerowirya m'muhinjeni, eneerewiinuwiha miru mookotella.