Masalimo 11 - Mawu a Mulluku

Dda waaroromella Apwiya

Wa oohoollella wiipa. Salimo na Davide.

¹ Kinnathawella wa Apwiya, nyu munaakilleelle mwawiidde wi, “Thawella omwaangoni wonanko epallame!

² Ngoonani, oonanara aakunga miira ddiwa, aawettha mipaamba ddiwa mwiipiphini wi yaahome athu ooreera murima.

³ Kheyiivo eyo oolungama enaaweeriiwa, oonanara yaahithwaraka malamulo.”

⁴ Apwiya eri mu enyumbiiwa yaweella, mpando woomwene wa Apwiya ori oddullu. Miitthwiiwa ennamoona arive muthu, ennadduwella nnddo eneeriiwa.

⁵ Apwiya ennaweesa oolungama ni oonanara, enniitana ni oonanara, ooddivelliwa owukila.

⁶ Apwiya eneerewaarumihella oonanara munllo ni sulufure wonanko murimu. Eneerewaallaka ni ephevo yooviha moollikana ni ddaweera ddiwa.

⁷ Vallethi Apwiya tti oolungama, ennakonda ddaweera ddoolungama, oolungama eneerewoona ekhoviiwa.