Masalimo 101 - Mawu a Mulluku

Lonjezo na mwene

Salimo na Davide.

¹ Kineerewiipa dda ororomelleya ni echilungamo, nyu Apwiya, kineerewiipa ddawuutitimihani.

² Kineerothwara mweezeru ettilla yaphaama. Vano munaakiweelle niini? Kineereweeta mu enyumbaaka ni murima waphaama,

³ miitthwaaka khekhalla va ddeko ddoohikhalla ni mutteko. Kinniitanana ddaweera dda athu awuuhiyani, kheddinakiddivella naari vang'ono.

⁴ Kineerorekamellana murima wookhoromana, ngidduwella erive ello yoonanara.

⁵ Muthu oollota ddoomunanariha mukhwaaye okhwipi kineeromumaalliha, ookota ni awiitukhulla ngimuhiyerera.

⁶ Miitthwaaka enaakhalle va oororomelleya a mwiillaponi wi ekhalle ni miyaano. Aweeta mu ettilla yaphaama eneerokirumeyella.

⁷ Aweera ddoolleka khakhalla mu enyumbaaka, oollota ddawoottha khakeraattheya vamiitthoni vaka.

⁸ Orive ohinase kineerekowoononga oonanara attheene amwiillaponi, waavenyiha attheene aweera ddoohikhalla ni mutteko mu muzinda wa Apwiya.