Masalimo 1 - Mawu a Mulluku

Nibukhu nawaamba Masalimo 1—41 Ohakallalla wawoona

¹ Oodalisiwa tti muthu oyo ahineeta ni athu oonanara, ahiniimella ni athu oochimwa, ahinakeraatthi ni athu oomuvevulla Mulluku.

² Komathi tti oohakallalla aawiiwellellaka malamulo a Apwiya, aaganizeraka dda malamulwaalla otthaana ni mahiiyu.

³ Muthooyo ari wonanko muteekho, wowaalliwa mukhwipi mwa muhinje, wowimma mu enthawi yaphaama, oyo makatthiiwa ehinanyaalla. Ddaweera ddaye ddittheddene ddinnamweetella phaama.

⁴ Koma athu oonanara kheri ddiiddo, tti wonanko mallulla oovava shisha.

⁵ Ekaamba ya yeella, Mulluku aneerewaallaka athu oochimwa, khekhalla ni athu oolungama.

⁶ Apwiya ennapwatha meetello a athu oolungama koma ettilla ya athu oochimwa eneerewoonongeya.