Genesis 36 - Mawu a Mulluku

Edduullu dda Esau

¹ Nna sika ntthopoollo na edduullu dda Esau oyo aromolliwattho Edomu.

² Awariye a Esau o Kanani yaari Ada mwaana a Eloni Muhiti, Oholibama mwaana a Ana, mwaana a Zibiyoni Muhivi,

³ ni Basemati mwaana a Ishmaele, murokoriye a Nebayoti.

⁴ Ada aamuyarella Esau Elifazi. Basemati aamuyara Reuele

⁵ nave Oholibama aamuyara Yeushi, Yalamu ni Kora. Alla sika anamwani ayo Esau aayarilleeye mu ellapo ya Kanani.

⁶ Vano Esau ahaakusa awariye, anaaye aallopwana, anaaye aatthiyana ni athu attheene a mpa mwaye ni eziweto ddaye ddittheddene ni katundwaaye muttheene amupatilleeye o Kanani. Nave aahiyana ni Yakobo mwanamunne, aya akhalla o ellapo emodda.

⁷ Aatthaama kaambiiwa ellapo akhalleeyeeyo ni Yakobo, yahaayevella eellaayo. Vawi yaakhalla ni eziweto ddinchichi, kheyaawonre okhallella vanipuroni nimodda.

⁸ Sika Esau oyottho aromolliwa wi Edomu, aaya akhalla mu ellapo yamiyaango dda Seiri.

⁹ Nna sika ntthopoollo na edduullu dda Esau, nikhollo na Aedomu, ookhalla mu ellapo yamiyaango ya Seiri.

¹⁰ Manddina a anamwani a Esau yaari Elifazi mwaana a Ada mwaara Esau ni Reuele mwaana a Basemati mwaara Esau.

¹¹ Anamwani a Elifazi yaari Temani, Omara, Zefo, Gatamu ni Kenazi.

¹² Nave mwa Timna mwaara Elifazi mung'onong'ono, aamuyaramo Amaleke. Alla sika anamwani a Ada mwaara Esau.

¹³ Anamwani a Reuele yaari Nahati, Zera, Shama ni Miza. Alla sika anamwani a Basemati mwaara Esau.

¹⁴ Anamwani aallopwana a Oholibama mwaara Esau yaari Yeushi, Yalamu ni Kora. Oholibamooyo aari mwaana a Ana mwaana a Zibiyoni.

^15-16 Alla sika mamwene a edduullu dda Esau mu ellapo ya Edomu. Mwa anamwani a Elifazi, mwaana awaamba a Esau, mamweniiwa yaari Temani, Omara, Zefo, Kenazi, Kora, Gatamu ni Amaleke. Attheenaalla yaari anamwani a Ada mwaara Esau.

¹⁷ Mwa anamwani a Reuele mwaana a Esau, mamweniiwa yaari Nahati, Zera, Shama ni Miza. Alla sika mamwene mwa anamwani a Reuele mu ellapo ya Edomu. Navettho ddenndda sika edduullu dda Basemati mwaara Esau.

¹⁸ Mwa Oholibama mwaara Esau, mamweniiwa yaari Yeushi, Yalamu ni Kora. Alla sika mamwene ayo mwaara Esau, Oholibama mwaana a Ana, aayarilleeye.

¹⁹ Nndda sika edduullu dda Esau oyottho aromolliwa wi Edomu navettho sika mamweniiwa.

Edduullu dda Seiri

²⁰ Anamwani aallopwana a Seiri Muhori, aneena a ellapweeyo, yaari Lotani, Shobala, Zibiyoni, Ana,

²¹ Dishoni, Ezere ni Dishani. Alla sika mamwene a Ahori anamwani a Seiri mu ellapo ya Edomu.

²² Anamwani a Lotani yaari Hori ni Hemani. Murokoriye a Lotani aari Timna.

²³ Anamwani a Shobala yaari Alivani, Manahati, Ebala, Shefo ni Onamu.

²⁴ Anamwani a Zibiyoni yaari Aya ni Ana. Olla sika Ana olle aaphwanyille aneetuutu ooviha mu echipululu, aachiheeye abulu a Zibiyoni, attiitthinnya.

²⁵ Anamwani a Ana yaari Dishoni mwanaye aamullopwana ni Oholibama mwanaye aamutthiyana.

²⁶ Anamwani a Dishoni yaari Hemudani, Eshibani, Itirani ni Kerani.

²⁷ Anamwani a Ezere yaari Bilihani, Zaavani ni Akani.

²⁸ Anamwani a Dishani yaari Uzi ni Arani.

²⁹ Mamwene a Ahori yaari Lotani, Shobala, Zibiyoni, Ana,

³⁰ Dishoni, Ezere ni Dishani. Alla sika mamwene a Ahori mu ellapo ya Seiri moollikana ni mallokwiiwa.

Mamwene o Edomu

³¹ Aisraele ehinakhalle ni mwene, mamwene yalamulella mu ellapo ya Edomu tti

³² Bela mwaana a Beori a o muzinda wa Dinihaba.

³³ Bela akhwille, Yobabu mwaana a Zera a o muzinda wa Bozira aavollowa omwene munipuroni mwaye.

³⁴ Yobabu akhwille, Hushamu a o Temani aavollowa omwene munipuroni mwaye.

³⁵ Hushamu akhwille, Hadadi mwaana a Bedadi a o muzinda wa Aviti aavollowa omwene munipuroni mwaye. Olliye ahaagonjiha Amidiyani o Mowabu.

³⁶ Hadadi akhwille, Samila a o muzinda wa Mashireka aavollowa omwene munipuroni mwaye.

³⁷ Samila akhwille, Shaulo a o muzinda wa Rehoboti a o muhinje wa Yufurate aavollowa omwene munipuroni mwaye.

³⁸ Shaulo akhwille, Baala Hanani mwaana a Akibori aavollowa omwene munipuroni mwaye.

³⁹ Baala Hanani akhwille, Hadari a o muzinda wa Pau aavollowa omwene munipuroni mwaye. Mwaariye aari Mehetabele mwaana a Matiredi mwaana aamutthiyana a Mezahabu.

^40-43 Nave manddina a mamwene oovenyera munibanjani na Esau moollikana ni mallokwiiwa ni echigawo ya nirive nlloko yaari Timna, Aliva, Yeteti, Oholibama, Ela, Pinoni, Kenazi, Temani Mibizara, Magadiele ni Iramu. Alla sika mamwene a Edomu apaalle wi Esau nikhollo na Aedomu.