Ezekiele 15 - Mawu a Mulluku

Niphwanaphwaniho na muteekho wa mpesa woohimma

¹ Mawu a Apwiya yaawa wa miyaano wi,

² “We mwaana a muthu, ethiyo muteekho wampesa okhwarannye mwawiidde miteekho ddimodda? Enthambi ddiwa ddikhwarannye mwawiidde enthambi dda miteekho ddimodda dda muutthakoni?

³ Ethiyo muteekho yoolle ttuupangella tini? Apaalle athu ttuupangella ello yootthomeyavo ddeko.

⁴ Vallethi tti ekhuni ddookharihella munllo. Orimakhalla wi munllooyo wooshellelliha etthoka piilli ddene, ethiyo muteekho wavariyari ttuukhallattho ni mutteko?

⁵ Ohinashe khawaari ni mutteko. Vano washa khokhallattho ni mutteko.”

⁶ “Vano miyaano Apwiya Mulluku kinallota wi, ‘Muteekho wampesa kineerowuhella viikho moollikana ni mmo kineerelleemi ni orive muteekho wa muutthakoni. Emoddamoddave yeeyo kineeroweerella athu a o Yerusalemu.

⁷ Nave kineerewaallaka. Naari ethaweve munllo, oneerewaashellellihave. Sika kaallaka muneerodduwella wi mi tti Apwiya.

⁸ Nave ellapwiiweeyo kineeroyitthattusa echipululu ekaamba yawi alliwaayo kheyaakiroromenlle. Mi Apwiya Mulluku koollota.’ ”