1 Epilli 8 - Mawu a Mulluku

Edduullu dda Benjamini

¹ Benjamini aamuyara Bela, Ashibele, Ahara,

² Noha ni Rafa.

³ Nave anamwani aallopwana a Bela yaari, Adara, Gera, Abihudi,

⁴ Abishuwa, Namaani, Ahowa,

⁵ Gera, Shefufani ni Huramu.

⁶ Alla sika yaari anamwani a Ehudi. Yaari oohoollella a mabanja a athu a o Geba nave yaaphariwa okaporo o Manahati.

⁷ Aniiwa yaari Namaani, Ahiya ni Gera, sika wi Hegilamu ayo yaari attiitthiiwa a Uza ni Ahihudi, sika aari oohoollella yaphariwiiwa okaporo.

⁸ Nave Shaharaimu aakhalla ni anamwani aallopwana mu ellapo ya Mowabu aahiyalle awariye, Hushimu ni Baara.

⁹ Nave anaaye aallopwana oyeella mwa mwaariye Hodeshi yaari Yobabu, Zibiya, Mesha, Malikamu,

¹⁰ Yeuzi, Sakiya ni Mirima. Alla sika yaari oohoollella a mabanja.

¹¹ Nave mwa Hushimu ahaayara Abitubu ni Elipaala.

¹² Anamwani aallopwana a Elipaala yaari Ebere, Mishamu ni Shemedi. Shemedi sika amakille mizinda dda Ono ni Lodi ni mizi ddiwa ddene.

Abenjamini o Gati ni o Ayaloni

¹³ Beriya ni Shema yaari oohoollella a mabanja ayo yakhalla mu muzinda wa Ayaloni nave ayo yaathamakihalle aneetthi a o Gati.

¹⁴ Nave edduullu dda Beriya ddaari Ahiyo, Shashaki, Yeremoti,

¹⁵ Zebadiya, Aradi, Edere,

¹⁶ Mikaele, Ishipa ni Yoha.

Abenjamini o Yerusalemu

¹⁷ Zebadiya, Meshulamu, Hiziki, Hebere,

¹⁸ Ishimerai, Iziliya ni Yobabu yaari anamwani a Elipaala.

¹⁹ Yakimu, Zikiri, Zabidi,

²⁰ Eliyenai, Ziletai, Eliyele,

²¹ Adaya, Beraya ni Shimiratu yaari anamwani a Shimei.

²² Ishipani, Ebere, Eliyele

²³ Abidoni, Zikiri, Hanani,

²⁴ Hananiya, Elamu, Anitotiya,

²⁵ Efidea ni Penuwele yaari anamwani a Shashaki.

²⁶ Shamusherai, Shehariya, Ataliya,

²⁷ Yaareshiya, Eliya ni Zikiri yaari anamwani a Yerohamu.

²⁸ Alla sika yaari oohoollella a mabanja moollikana ni mibado ddiwa nave attheenaalla yakhalla o Yerusalemu.

Abenjamini o Gibiyoni ni o Yerusalemu

²⁹ Yeiyele sika amwaambihalle Gibiyoni nave akhalla wenko. Mwaariye aari Maaka.

³⁰ Mwanaye awaamba aari Abidoni, otulli waye wawiille Zuri, Kishi, Baala, Nere, Nadabu,

³¹ Gedori, Ahiyo, Zekeri

³² ni Mikiloti, attiitthinnya a Shimea. Nave alliwa ni abaliiwa yakhalla o Yerusalemu.

Nibanja na Saulo

³³ Nere aamuyara Kishi, Kishi aamuyara mwene Saulo. Mwene Saulo aamuyara Yonatani, Malikishuwa, Abinadabu ni Eshibaala.

³⁴ Yonatani aamuyara Meribaala nave Meribaala aamuyara Mika.

³⁵ Mika aamuyara Pitoni, Meleki, Tareya ni Ahazi.

³⁶ Ahazi aamuyara Yehoyada. Yehoyada aamuyara Alemeti, Azimaveti ni Zimiri. Zimiri aamuyara Moza,

³⁷ Moza aamuyara Bineya, Bineya aamuyara Rafa, Rafa aamuyara Eleasa, Eleasa aamuyara Azele.

³⁸ Azele aari ni anamwani aallopwana atthanu ni mmodda nave manddiniiwa yaari Azirikamu, Bokeru, Ishmaele, Sheyariya, Obadiya ni Hanani. Attheenaalla yaari anamwani a Azele.

³⁹ Anamwani aallopwana a Esheki mwanamunne yaari awaamba Ulamu, aneepiilli Yeushi ni aneeraru Elifeti.

⁴⁰ Anamwani aallopwana a Ulamu yaari akhoto amasiva, athu amiira. Yaakhallattho ni anamwani ni edduullu 150. Attheenaalla yaari Abenjamini.