1 Epilli 7 - Mawu a Mulluku

Edduullu dda Isakara

¹ Isakara aamuyara Tola, Puwa, Yashubu ni Shimironi. Alla sika yaari anamwani asese a Isakara.

² Tola aamuyara Uzi, Refaya, Yeriyele, Yahimai, Ibisamu ni Shemuele. Alla sika yaari oohoollella a mabanja a Tola. Attheenaayo yaari akhoto amasiva moollikana ni ntthopoollo na manddina. Echiwerengerwiiwa va enthawi ya Davide yaari 22,600.

³ Mwaana a Uzi aari Izirahiya. Izirahiya aamuyara Mikaele, Obadiya, Yowele ni Ishiya. Atthanu attheenaalla yaari oohoollella.

⁴ Yaakhalla ni awariwa ni anamwani anchichi sika moollikana ni ntthopoollo na manddina vaakhalla akhoto 36,000.

⁵ Moollikana ni ntthopoollo na manddina mu mabanja mattheene a Isakara mwaari akhoto amasiva 87,000.

Edduullu dda Benjamini ni Dani

⁶ Benjamini aamuyara Bela, Bekere ni Yediyaele. Alla sika yaari anamwani araru a Benjamini.

⁷ Bela aamuyara Eziboni, Uzi, Uziyele, Yerimoti ni Iri. Alla sika yaari oohoollella a mabanja a Bela. Attheenaalla yaari akhoto amasiva moollikana ni ntthopoollo na manddina. Echiwerengerwiiwa yaari 22,034.

⁸ Bekere aamuyara Zimira, Yowashi, Eliyezere, Eliyoenai, Omuri, Yeremoti, Abiya, Anatoti ni Alemeti. Alla sika yaari anamwani a Bekere.

⁹ Moollikana ni ntthopoollo na manddina mu mabanja a Isakara mwaari akhoto amasiva 20,200.

¹⁰ Mwaana a Yediyaele aari Bilihani. Bilihani aamuyara Yeushi, Benjamini, Ehudi, Kenana, Zetani, Tarishishi ni Ahishahara.

¹¹ Alla sika yaari oohoollella a mabanja a Yediyaele. Attheenaalla yaari akhoto amasiva moollikana ni ntthopoollo na manddina. Echiwerengerwiiwa yaari 17,200.

¹² Iri aamuyara Shupimu ni Hupimu nave yaarittho a nlloko na Benjamini. Dani aamuyara Hushimu.

Edduullu dda Nafutali

¹³ Nafutali aamuyara Yaziyele, Guni, Yezere ni Shalumu mwa Biliha.

Edduullu dda Manase

¹⁴ Manase aamuyara Asiriele ni Makiri mwa mwaariye mung'onong'ono a o Aramu. Makiri aamuyara Giliyadi.

¹⁵ Vano Makiri aawaashera Hupimu ni Shupimu atthiyana. Murokoriye Makiri aari Maaka nave mwanaye aneepiilli aamullopwana aari Zelofehadi oyo aayanre aatthiyanave.

¹⁶ Maaka, mwaariye a Makiri ahaayara anamwani eelli aallopwana, Pereshi ni Shereshi. Shereshi aamuyara Ulamu ni Rakemu.

¹⁷ Ulamu aamuyara Bedani. Alla sika yaari edduullu dda Giliyadi, mwaana a Makiri, mwaana a Manase.

¹⁸ Hamoleketi, murokoriye a Giliyadi ahaayara Ishihodi, Abiyezere ni Mala.

¹⁹ Shemida aamuyara Ahiyani, Shekemu, Liki ni Aniyamu.

Edduullu dda Efuremu

²⁰ Efuremu aamuyara Shutela, Shutela aamuyara Beredi, Beredi aamuyara Tahati, Tahati aamuyara Eleada, Eleada aamuyara Tahati,

²¹ Tahati aamuyara Zabadi nave Zabadi aamuyara Shutela. Efuremu aakhalla ni anamwani amodda eelli, Ezere ni Eleadi ayo yiiphiwe ni athu a o Gati, aneetthi a ellapweeyo ekaamba yawi yaawa wi yaakhe eziweto ddiwa.

²² Sika Efuremu, attiitthiiwa ahinlla maliro mallapo manchichi nave abalaaye yaawa emukhurumusa murima.

²³ Vatulli viwa Efuremu aakona ni mwaariye, aakhalla ni erukullu nave aamuyara mwaana aamullopwana aamuvaha nnddina nawi Beriya ekaamba yawi yoonanara yaamorella va nibanja naye.

²⁴ Efuremu aakhallattho ni mwaana aamutthiyana, Sheera oyo aamakille muzinda wa Betehoroni Oohito ni Betehoroni A omwaako owaakattho muzinda wa Uzenisheera.

²⁵ Efuremu aamuyarattho Refa, Refa aamuyara Reshefi, Reshefi aamuyara Tela, Tela aamuyara Tahani, Tahani aamuyara

²⁶ Ladani, Ladani aamuyara Amihudi, Amihudi aamuyara Elishama,

²⁷ Elishama aamuyara Nuni nave Nuni aamuyara Yoswa.

²⁸ Nave echigawo nko yakhalliiwa yaari ovenyera o Betele ophiya o Naarani wookhuma nndduwa, ni Gezere woovollowa nndduwa vamodda ni mizi ddiwa. Yaaphiyattho o Shekemu ni o Aya vamodda ni mizi ddiwa

²⁹ navettho m'malireni a athu a o Manase, Betesheani, Taanaki, Megido, Dori vamodda ni mizi ddiwa. Mmu sika mwakhalla edduullu dda Yosefe, mwaana a Yakobo.

Edduullu dda Ashere

³⁰ Ashere aamuyara Imina, Ishiva, Ishivi, Beriya ni murokoriwa Sera.

³¹ Beriya aamuyara Hebere ni Malakiyele oyo aambihalle muzinda wa Birizaiti.

³² Hebere aamuyara Yafileti, Shomere, Hotamu ni murokoriwa Shuwa.

³³ Yafileti aamuyara Pasaki, Bimuhala ni Ashivati. Alla sika yaari anamwani a Yafileti.

³⁴ Shomere mwanamunne aamuyara Roga, Yehuba ni Aramu.

³⁵ Helemu mwanamunne aamuyara Zofa, Imina, Sheleshi ni Amala.

³⁶ Zofa aamuyara Harenefere, Shuwala, Beri, Imira,

³⁷ Bezere, Hodi, Shama, Shilisha, Itirani ni Beera.

³⁸ Yetere aamuyara Yefune, Pisipa ni Ara.

³⁹ Ula aamuyara Ara, Haniyele ni Riziya.

⁴⁰ Athu attheenaalla yaari edduullu dda Ashere. Yaari oohoollella a mabanjiiwa, akhoto amasiva, oovuwa ni oopatuleya variyari va oohoollella attheene. Moollikana ni ntthopoollo na manddina, echiwerengerwiiwa va enthawi ya Davide yaari 26,000.