1 Epilli 6 - Mawu a Mulluku

Edduullu dda Levi

¹ Levi aamuyara Gereshomo, Kohati ni Merari.

² Kohati aamuyara Amuramu, Izara, Hebroni ni Uziyele.

³ Amuramu aamuyara Aroni, Mose ni Miriyamu. Aroni aamuyara Nadabu, Abihu, Eleazara ni Itamara.

⁴ Eleazara aamuyara Finehasi, Finehasi aamuyara Abishuwa,

⁵ Abishuwa aamuyara Buki, Buki aamuyara Uzi,

⁶ Uzi aamuyara Zeraya, Zeraya aamuyara Meraiyoti,

⁷ Meraiyoti aamuyara Amariya, Amariya aamuyara Ahitubi,

⁸ Ahitubi aamuyara Zadoki, Zadoki aamuyara Ahimaazi,

⁹ Ahimaazi aamuyara Azariya, Azariya aamuyara Yohanani,

¹⁰ Yohanani aamuyara Azariya (olla tti mullupa mukutho mu enyumba eyo Solomoni amakilleeye o Yerusalemu).

¹¹ Azariya aamuyara Amariya, Amariya aamuyara Ahitubi,

¹² Ahitubi aamuyara Zadoki, Zadoki aamuyara Shalumu,

¹³ Shalumu aamuyara Hilikiya, Hilikiya aamuyara Azariya,

¹⁴ Azariya aamuyara Seraya, Seraya aamuyara Yehozadaki.

¹⁵ Nave Yehozadaki aaphariwa enthawi eyo Apwiya yamwaakhullelliiwa Nebukadinezara wi aaphare okaporo athu a o Yuda ni a o Yerusalemu.

Edduullu ddimodda dda Levi

¹⁶ Levi aamuyara Gereshomo, Kohati ni Merari.

¹⁷ Gereshomo aamuyara Libini ni Shimei.

¹⁸ Kohati aamuyara Amuramu, Izara, Hebroni ni Uziyele.

¹⁹ Merari aamuyara Mali ni Mushi. Yaalla sika yaari mabanja a Levi moollikana ni makhollwiiwa.

²⁰ Edduullu dda Gereshomo ddaari Libini, Yahati, Zima,

²¹ Yowa, Ido, Zera ni Yeterai.

²² Edduullu dda Kohati ddaari Aminadabu, Kora, Asiri,

²³ Elikana, Ebiyasafu, Asiri

²⁴ Tahati, Uriyele, Uziya ni Shaulo.

²⁵ Elikana aamuyara Amasai ni Ahimoti.

²⁶ Edduullu dda Ahimoti ddaari Elikana, Zofai, Nahati,

²⁷ Eliyabu, Yerohamu ni Elikana.

²⁸ Samuele aamuyara Yowele mwanaye awaamba ni Abiya aneepiilli.

²⁹ Edduullu dda Merari ddaari Mali, Libini, Shimei, Uza,

³⁰ Shimea, Hagiya ni Asaiya.

Awiipa a o enyumba ya Apwiya

³¹ Alla sika athu ayo Davide aatthoollilleeye wi ehoollelleke machipo mu enyumba ya Apwiya nibokosi na echipangano nihiyiwemo.

³² Yaanarumeyella yiipaka machipo va musasa wamutthukumano ophiyera mvo Solomoni amakilleeye enyumba ya Apwiya mu Yerusalemu. Nave yaanarumeyella voothwarani malamulo ayo yavahiwiiwa.

³³ Alla sika yarumeyella ni edduullu ddiwa. Va nibanja na Kohati vaakhalla Hemani muthu eeruso yawiipa, mwaana a Yowele mwaana a Samuele,

³⁴ mwaana a Elikana, mwaana a Yerohamu, mwaana a Eliyele, mwaana a Towa,

³⁵ mwaana a Zufu, mwaana a Elikana, mwaana a Mahati, mwaana a Amasai,

³⁶ mwaana a Elikana, mwaana a Yowele, mwaana a Azariya, mwaana a Zefaniya,

³⁷ mwaana a Tahati, mwaana a Asiri, mwaana a Abiyasafu, mwaana a Kora,

³⁸ mwaana a Izara, mwaana a Kohati, mwaana a Levi, mwaana a Yakobo.

³⁹ Asafu aari oohoollella mulloko waneepiilli wa awiipa machipo. Olliye aari mwaana a Berekiya, mwaana a Shimea,

⁴⁰ mwaana a Mikaele, mwaana a Baaseiya, mwaana a Malikiya,

⁴¹ mwaana a Etini, mwaana a Zera, mwaana a Adaya,

⁴² mwaana a Etani, mwaana a Zima, mwaana a Shimei,

⁴³ mwaana a Yahati, mwaana a Gereshomo, mwaana a Levi.

⁴⁴ Etani a nibanja na Merari aari oohoollella mulloko waneeraru wa awiipa machipo. Etani aari mwaana a Kishi, mwaana a Abidi, mwaana a Maluki,

⁴⁵ mwaana a Hashabiya, mwaana a Amaziya, mwaana a Hilikiya,

⁴⁶ mwaana a Amizi, mwaana a Bani, mwaana a Shemere,

⁴⁷ mwaana a Mali, mwaana a Mushi, mwaana a Merari, mwaana a Levi.

⁴⁸ Nave Alevi amodda sika yatthoolliwe wi ephareke mitteko ddimodda dda mu enyumba ya Mulluku.

Edduullu dda Aroni

⁴⁹ Koma Aroni ni edduullu ddaye ddaanavelleella mikutho va nikuwa na mukutho wooshellelliha ni nawoosellavo lubani.* Alliwa sika yeera ddittheddene ddoopaalleya va nipuro naweellesesa ni weera mutetho woopepesella machimo a Aisraele. Yaaneera ddiidda moollikana ni ddittheddene Mose oorumeyella a Mulluku aalamulalleeye.

⁵⁰ Edduullu dda Aroni ddaari Eleazara, Finehasi, Abishuwa,

⁵¹ Buki, Uzi, Zerahiya,

⁵² Meraiyoti, Amariya, Ahitubi,

⁵³ Zadoki ni Ahimaazi.

Mapuro a Alevi

⁵⁴ Alla sika mapuro a Alevi nko yakhalliiwa moollikana ni malire a mapurwaayo. Edduullu dda Aroni dda mu mabanja a Kohati ddahaakhella echigawo yawaamba.

⁵⁵ Alliwa yakawelliwe Hebroni mu echigawo ya Yuda ni mapurwiiwa mattheene oochihawo eziweto.

⁵⁶ Koma emata ni mizi dda muzindooyo ddakawelliwe wa Kalebe mwaana a Yefune.

⁵⁷ Sika edduullu dda Aroni ddakawelliwe mizinda dda Hebroni (muzinda woothawellamo) ni Libina ni mapurwiiwa, Yatiri ni Eshitemowa,

⁵⁸ Hileni, Debiri,

⁵⁹ Ashani, Beteshemeshi ni mapurwiiwa mattheene oochihellamo eziweto.

⁶⁰ Nave ovenyera o echigawo yeeyo nlloko na Benjamini naakawelliwa Geba, Alemeti ni Anatoti ni mapurwiiwa mattheene oochihellamo eziweto. Nndda sika ddaari mizinda khumi ni ddiraru dda mabanjaalla.

⁶¹ Sika Akohati oohalla yaakawelliwa mizinda khumi mwawoombesa ovenyera va hafu a nlloko na Manase.

⁶² Mabanja a Ageroshomo yaakawelliwa mizinda khumi ni ddiraru ovenyera va malloko a Isakara, Ashere, Nafutali ni Manase a o Bashani.

⁶³ Mabanja a Amerari yaakawelliwa mizinda khumi ni piilli ovenyera va malloko a Rubeni, Gadi ni Zebuloni.

⁶⁴ Mmu sika Aisraele yaakawellelliiwa Alevi mizinda ni mapurwiiwa mattheene oochihellamo eziweto.

⁶⁵ Yoombesille, yahaakawellattho mizinda ddimodda dda malloko a Yuda, Simeoni ni Benjamini.

⁶⁶ Mabanja mamodda a Akohati yaakawelliwa mizinda ovenyera va nlloko na Efuremu.

⁶⁷ Mizindannddo ddaari Shekemu (muzinda woothawellamo) ni mapurwiiwa oochihellamo eziweto mu echigawo yamiyaango ya Efuremu, Gezere,

⁶⁸ Yokomeamu, Betehoroni,

⁶⁹ Ayaloni ni Gatirimoni ni mapurwiiwa mattheene oochihellamo eziweto.

⁷⁰ Nave woovollowa nndduwa wa nlloko na Manase yaakawelliwa mizinda dda Anere ni Bileamu ni mapurwiiwa mattheene oochihellamo eziweto.

⁷¹ Mabanja a Ageroshomo a wookhuma nndduwa wa nlloko na Manase yaakawelliwa Golani o Bashani ni Ashitaroti ni mapurwiiwa mattheene oochihellamo eziweto.

⁷² Mizinda nnddo yakawelliiwa o nlloko na Isakara ddaari Kadeshi, Daberati,

⁷³ Ramoti ni Anemu ni mapurwiiwa mattheene oochihellamo eziweto.

⁷⁴ Mizinda nnddo yakawelliiwa o nlloko na Asheri ddaari Mashala, Abidoni

⁷⁵ Hukoki navettho Rehobu ni mapurwiiwa mattheene oochihellamo eziweto.

⁷⁶ Mizinda nnddo yakawelliiwa a nlloko na Nafutali ddaari Kadeshi o Galileya, Hamoni ni Kiriyataimu ni mapurwiiwa mattheene oochihellamo eziweto.

⁷⁷ Mabanja oohalla a Amerari a nlloko na Zebuloni yakawelliiwa mizinda dda Rimono ni Tabori ni mapurwiiwa mattheene oochihellamo eziweto.

⁷⁸ Mizinda nnddo yakawelliiwa a nlloko na Rubeni, wookhuma nndduwa wa muhinje wa Yordani o Yeriko ddaari Bezere o ntapo, Yaza,

⁷⁹ Kedemoti ni Mefaati ni mapurwiiwa mattheene oochihellamo eziweto.

⁸⁰ Mizinda nnddo yakawelliwiiwa a nlloko na Gadi ddaari Ramoti o Giliyadi, Mahanaimu,

⁸¹ Heshiboni ni Yazere ni mapurwiiwa mattheene oochihellamo eziweto.