1 Epilli 4 - Mawu a Mulluku

Edduullu dda Yuda

¹ Yuda aamuyara Perezi, Hezironi, Karimi, Huri ni Shobala.

² Shobala aamuyara Reaya, Reaya aamuyara Yahati, Yahati aamuyara Ahumai ni Lahadi. Alla sika yaari mabanja a Azorati.

³ Huri aamuyara Etamu, Etamu aamuyara Yezireele, Ishima, Idibashi ni murokoriwa, Hazeleleponi.

⁴ Penuwele aamuyara Gedori, Ezere aamuyara Husha. Alla sika yaari anamwani a Huri, awaambiha Betelehemu oyottho aari mwaana awaamba a Efurata.

⁵ Ashuri attiitthinnya a Tekowa yaari ni awariwa eelli, Hela ni Nara.

⁶ Ashuri aamuyara Ahuzamu, Hefere, Temeni ni Haahashitari mwa Nara. Alla sika yaari anamwani ooyariwa mwa Nara.

⁷ Ashuri aamuyarattho Zereti, Izara ni Etinani mwa Hela.

⁸ Kozi aamuyara Anubu, Zobeba ni mabanja a Ahariyele, mwaana a Harumu.

⁹ Vaakhalla muthu mmodda nnddina naye Yabezi oyo athu yamuvahiiwa olemu okhwaranya asinne. Amennya yaamuvaha nnddina na Yabezi kaambiiwa yaallota wi, “Kaamuyanre moovoreya wunchichi.”

¹⁰ Yabezi aavekella wa Mulluku a Israele wi, “Mukidalise nave muyinnuwihe ellapwaaka. Nnatta nanyu namasiva nikhalle ni mi nave mukisunge wi yoonanara ehikimorelle ni okihoosa.” Sika Mulluku aamuvaha nnddo avekilleeye.

Manddina a mabanja mamodda

¹¹ Kelubi, mwanamunne Shuha, aamuyara Mehiri, Mehiri aamuyara Eshitoni,

¹² Eshitoni aamuyara Beterafa, Paseya ni Tehina, awaambiha muzinda wa Nahashi. Alla sika athu a o Reka.

¹³ Kenazi aamuyara Otiniyele ni Seraya, Otiniyele aamuyara Hatati ni Meonotai,

¹⁴ Meonotai aamuyara Ofura nave Seraya aamuyara Yowabu awaambiha a Geharashimu nko wakhalla athu eeruso.

¹⁵ Kalebe mwaana a Yefune aamuyara Iru, Ela ni Naamu. Ela aamuyara Kenazi.

¹⁶ Yehalelele aamuyara Zifi, Zifa, Tiriya ni Asarele.

¹⁷ Ezara aamuyara Yetere, Meredi, Efere ni Yaloni. Meredi aamutthella Bitiya mwaana a Farao mwene a o Iguputo. Mwa Bitiya aamuyara mwaana aamutthiyana Miriyamu ni arokoriye eelli Shamai ni Ishiba awaambiha a Eshitemowa.

¹⁸ Meredi aamuyara Yeredi, Hebere ni Yekutiyele mwa mwaariye Eeyuda. Yeredi aamuyara Gedori, Hebere aamuyara Soko, Yekutiyele aamuyara Zanowa.

¹⁹ Hodiya aamutthella murokoriye Nahamu nave aamuyara Keila Mugarimi ni Eshitemowa Mumaakati.

²⁰ Shimoni aamuyara Aminoni, Rina, Benihanani ni Tiloni. Ishi aamuyara Zoheti ni Benizoheti.

Edduullu dda Shela

²¹ Shela, mwaana a Yuda, aamuyara Eri, attiitthinnya a Leka, Laada, awaambiha a Maresha ni a mabanja a athu awoopa ekuwo ddabafuta a o Betashebea.

²² Edduullu ddimodda ddaari Yokimu ni allopwana a o Kozeba navettho Yowashi ni Sarafi oyo alamulella o Mowabu koma aahokollweella o Betelehemu. (Ddittheddenenndda tti moollikana ni epilli ddakhalle.)

²³ Alla yaari athu awoopa epalli navettho aneetthi a o Netaimu ni o Gedera. Yakhalla wenko ni mwene emupharellaka mutteko.

Edduullu dda Simeoni

²⁴ Simeoni aamuyara Nemuwele, Yamini, Yaribu, Zera ni Shaulo.

²⁵ Shaulo aamuyara Shalumu, Shalumu aamuyara Mibisamu, Mibisamu aamuyara Mishima.

²⁶ Mishima aamuyara Hamuele, Hamuele aamuyara Zakuli, Zakuri aamuyara Shimei.

²⁷ Shimei aari ni anamwani aallopwana 16 ni aatthiyana atthanu ni mmodda. Koma abalaaye kheyaari ni anamwani anchichi sika nlloko na Simeoni khenaawunnuwalle wonanko na Yuda.

²⁸ Nlloko na Simeoni nakhalla o Beeresheba, Molada, Hazara Shuwala,

²⁹ Biliha, Ezemu, Toladi,

³⁰ Betuele, Horoma, Zikilagi,

³¹ Betemara Kaboti, Hazara Susimu, Betebiri ni Shaaraimu. Nndda ddaari mizinda ddiwa ophiyera enthawi eyo Davide aambilleeye olamulella.

³² Nave mizinda ddiwa dditthanu ddimodda ddaari Etamu, Aini, Rimoni, Tokeni, Ashani

³³ ni mizi ddawaapheella mizinda ddenndda ophiya o Baala. Nngu sika yakhalliiwa. Nave yaanasunga ntthopoollo na manddina a mabanjiiwa monga

³⁴ Meshobabu, Yamuleki, Yosha mwaana a Amaziya,

³⁵ Yowele, Yehu mwaana a Yoshibiya, mwaana a Seraya, mwaana a Asiyele,

³⁶ Eliyoenai, Yaakoba, Yeshohaya, Asaiya, Adiyele, Yesimiele, Benaya,

³⁷ Ziza mwaana a Shifi, mwaana a Aloni, mwaana a Yedaya, mwaana a Shimiri, mwaana a Shemaya.

³⁸ Athu eromolliwaalla sika yaari oohoollella mabanjiiwa nave mabanjiiwa yahaanjerereya wunchichi.

³⁹ Sika yaaya voovollowella va Gedori, wookhuma nndduwa wa ntapo wi yaashaashe nipuro noochihellavo eziweto ddiwa.

⁴⁰ Wenko yaaphwanya nipuro naphaama na munyepu munchichi. Nipuronno naarittho nuullupalli, noomaalleya navettho namurendelle. Athu yakhalla wenko khalle yaari Ahamu.

⁴¹ Vano va enthawi ya Hezekiya mwene a o Yuda, athu eromolliwaalla yaawa nave yahoononga misasa dda athu ni owiipha Ameuni ayo yaaphwanyilliiwa wenko. Yaawoononga athu attheenaayo mwawi ophiyera ollello kheyiiwottho. Sika alliwa yakhalla o nipuro nenno vawi vaakhalla munyepu wi echiheke eziweto ddiwa.

⁴² Asimeoni amodda 500 yaaya o mwaango wa Seiri moohoollelliwa ni anamwani a Ishi monga Pelatiya, Neariya, Refaya ni Uziyele.

⁴³ Alliwa yaawiipha Aamaleke oohalla nave enakhalla wenko ophiyera ollello.