1 Epilli 25 - Mawu a Mulluku

Athu awiipa machipo mu enyumba ya Apwiya

¹ Vano Davide ni oohoollella oorumeyella yahaapatulattho athu amodda oorumeyella mwa anamwani amodda a Asafu, a Hemani ni a Yedutuni ayo yallotella vawiipani machipo voopharihani mutteko ezida dduullupalli ni dding'onong'ono. Nna sika ntthopoollo na manddina a ayo yapharille mutteko ni mitteko ddiwa.

² Anamwani asese a Asafu yaari Zakuri, Yosefe, Netaniya ni Asharela. Aahoollella tti Asafu oyo allotella moolamuliwa ni mwene.

³ Manddina a anamwani a Yedutuni yaari Gedaliya, Zeri, Yesaya, Shimei, Hashabiya ni Matitiya. Yedutuni, attiitthiiwa sika aahoollella. Alliwa yaanallotella navettho wiipa voopharihani mutteko magitala vawaathokozani ni waallapella Apwiya.

⁴ Manddina a anamwani a Hemani yaari Bukiya, Mataniya, Uziyele, Shebuele, Yerimoti, Hananiya, Hanani, Eliyata, Gidaliti, Romamiti Yezere, Yoshibekasha, Maloti, Hotiri ni Mahaziyoti.

⁵ Attheenaalla yaari anamwani a Hemani, oollohella a mwene, moollikana ni malonjezo a Mulluku awi aneeromuwelliha olliye. Vawi Mulluku aamuvaha Hemani anamwani aallopwana khumi ni asese aatthiyana araru.

⁶ Alliwa yiipesa ni misangwa, magitala ni azeze voorumeyellani o enyumba ya Mulluku moohoollelliwa ni attiitthiiwa. Asafu, Yedutuni ni Hemani yalamulelliwa ni mwene.

⁷ Athu attheenaalla yaakhalla ni eruso vawiipani nave abaliiwa yaahudderattho phaama owiipella Apwiya. Attheene vamodda yaari athu 288.

⁸ Nave yahoombesa wi ekawane phaama mitteko ddiwa, ang'onong'ono ni uullupalli, oodduwella phaama apaalle awaamba wene.

⁹ Woombesa wawaamba waammorelle Yosefe a o nibanja na Asafu, waneepiilli wammorenlle Gedaliya, abalaaye ni anaaye, attheene vamodda khumi ni eelli,

¹⁰ waneeraru wammorenlle Zakuri, anaaye ni abalaaye, attheene vamodda khumi ni eelli.

¹¹ Waneesese wammorenlle Iziri, anaaye ni abalaaye, attheene vamodda yaari khumi ni eelli.

¹² Waneetthanu wammorenlle Netaniya, anaaye ni abalaaye, attheene vamodda khumi ni eelli.

¹³ Waneetthanu ni mmodda, wammorenlle Bukiya, anaaye ni abalaaye, attheene vamodda khumi ni eelli.

¹⁴ Waneetthanu ni piilli, wammorenlle Yesharela, anaaye ni abalaaye, attheene vamodda yaari khumi ni eelli.

¹⁵ Waneetthanu ni raru wammorenlle Yeshaya, anaaye ni abalaaye, attheene vamodda yaari khumi ni eelli.

¹⁶ Waneetthanu ni sese, wammorenlle Mataniya, anaaye ni abalaaye, attheene vamodda yaari khumi ni eelli.

¹⁷ Waneekhumi, wammorenlle Shimei, anaaye ni abalaaye, attheene vamodda yaari khumi ni eelli.

¹⁸ Waneekhumi ni omodda, wammorenlle Azarele, anaaye ni abalaaye, attheene vamodda yaari khumi ni eelli.

¹⁹ Waneekhumi ni piilli, wammorenlle Hashabiya, anaaye ni abalaaye, attheene vamodda yaari khumi ni eelli.

²⁰ Waneekhumi ni raru, wammorenlle Shubaele, anaaye ni abalaaye, attheene vamodda yaari khumi ni eelli.

²¹ Waneekhumi ni sese, wammorenlle Matitiya, anaaye ni abalaaye, attheene vamodda yaari khumi ni eelli.

²² Wa 15 wammorenlle Yeremoti, anaaye ni abalaaye, attheene vamodda yaari khumi ni eelli.

²³ Wa 16 wammorenlle Hananiya, anaaye ni abalaaye, attheene vamodda khumi ni eelli.

²⁴ Wa 17 wammorenlle Yoshibekasha, anaaye ni abalaaye, attheene vamodda yaari khumi ni eelli.

²⁵ Wa 18 wammorenlle Hanani, anaaye ni abalaaye, attheene vamodda yaari khumi ni eelli.

²⁶ Wa 19 wammorenlle Maloti, anaaye ni abalaaye, attheene vamodda yaari khumi ni eelli.

²⁷ Wa 20 wammorenlle Eliyata, anaaye ni abalaaye, attheene vamodda yaari khumi ni eelli.

²⁸ Wa 21 wammorenlle Hotiri, anaaye ni abalaaye, attheene vamodda yaari khumi ni eelli.

²⁹ Wa 22 wammorenlle Gidaliti, anaaye ni abalaaye, attheene vamodda yaari khumi ni eelli.

³⁰ Wa 23 wammorenlle Mahaziyoti, anaaye ni abalaaye, attheene vamodda yaari khumi ni eelli.

³¹ Wa 24 wammorenlle Romamiti Yezere, anaaye ni abalaaye, attheene vamodda yaari khumi ni eelli.