1 Kol 5 - Musamu Wamubwete 2013

Musamu wa nsoni mu dibuundu

¹ Bari mu kweleele ti, ha kakati dya beenu kuri buyala; buyala buri, ti ha kakati dya bangooyi kwahele mya bubwo; kuri lo muutu wakitula mukasi taayi weki mukasi nde.

² Ngo beenu, ha kibeendu kya kuba mu ngebe mpisi heki, wukweyirika ma bubwo, kaba wayisulu ha kakati dya beenu, beenu kusa masiiku?

³ Me ngo wuri, mu muswinyi nyahele na beenu, kasi mu kimpeeve nyiri na beenu; me mwaatsuundisa wukweyirika mya bubwo, bunu ti me nyiri ha kakati dya beenu.

⁴ Mu nkuumbu ya Mfumu yeetu Yesu, bu luri lwakutukuna na kiluunsi kya me, mu mpinu dza mfumu yeetu Yesu,

⁵ yekeleenu muutu wa bubwo kuri Satana, mpisi muswinyi kaba wafuukusu, na kiluunsi kiba kyabvuukusu mu kiluumbu kya Mfumu.

⁶ Kimweese kya beenu kiri kyakibwe ko. Buri beenu lwahele kuyaaba, ti mwaa-ndaambu lufunusu yikootoombolaa mbanda yoyinso?

⁷ Ngo yisileenu lufunusu lwalukulu, mpisi beenu luba mbanda yamoono, bukuri mu beenu lufunusu lwo pe. Mukwongo, Kiristo Paaka dyeetu, wayeki wadzusu mu kumuha bunu kikabu.

⁸ Mu didyo, tuseeneenu munkeembu kwahele kuba na lufunusu lwalukulu, bunu pe lwa mamabi na lwa mutima-bubi, ngo kasi kuri turi na mampa mahele lufunusu, ma nsyemukunu na ma ngwanwa.

⁹ Me nyalutinini dyo mu mukaanda ti, yaa lwebvuutuna na biyala ko.

¹⁰ Me nyahele kudzoonsolo nkati mu biyala bya nsi yimayi, bunu pe bangaa-nsoki-mboongo, bakwedzika bya baatu, bunu pe mu minsaambiri mya biteki, haho ngo hari lo luyelemini kupala mu nsi.

¹¹ Ngo mi nyiri nyalutinini me miri ti, yaa lwebvuutuna na muutu wuleele kuri ti nde mpaangi, kasi kiyala kari, bunu pe ngaa-nsoki-mboongo, bunu pe munsaambiri-biteki, bunu pe ngaa-bitari, bunu pe mukori-malu, bunu pe wukwedzika bya baatu, muutu wa bubwo, lo beenu ti kudya pe kintwaari na nde.

¹² Mukwongo, buri mitariri me, mu kutsuundisa bari ku mbasi? Buri kari bari kunsa-kati beenu luyelemini kutsuundisa ko?

¹³ Bari ku mbasi ngo bari, Nzaambi sa kabatsuundisa. Bingeenu muutu wamubi ha kakati dya beenu.