Yonas 3 - Ɗû na sɗik na wiini Alaw

Yonas a ɓaka seŋ war Ninive

¹ Seŋ na wiini Alaw a muɗa sini Yonas azi n'ag'aŋ sulu pra maini nɵa:

² Faka amai hala war Ninive, fuŋ n'abai hanɗa, ku ɓaka siɗi seŋ n'aga mu muɗuŋku.

³ Yonas a faka amai, a hala war Ninive maini n'EPIƊ-ƊAI a miɗiŋni nɵa. Ninive a fuŋ n'abai gara, na ɓa gaini azuku ɗa, te guna azumai mefeŋ hu.

⁴ Yonas, azi n'avut war Ninive ɗa, a hala gaini ezini haa yunay dam. A ɗuula a muɗa: A hina mefeŋ doogo-doogo puɗu, Ninive aga te ŋa.

⁵ Ɗai na war Ninive e yimi ɓa, seŋni Yonas ɗa a jre, e tiki sai, e wi sapa zi tuwi siɗi, siɗi n'abakai par haa siɗi n'agogoi ta.

⁶ Pai na Ninive a ɵina seŋ hanɗa, a faka edi midiɗi paramayni par fak, a foko dawrani zi pai ɗa edi fok, a wa sapa zi tuwi sini, a sumna azumai arni bonu dam.

⁷ Asakal par seŋ a wa edi mini pai par siɗi ɗai na war fuŋ: Ta pai gaiɗi ŋarakaiŋa mi ɗiyi gadai maini nɵa: ɗai, farai n'ezini puɗu puɗu n'abakai gaini n'agogoi; e ci yem kai, e simi wala kai, e giɗimi farai kaalai.

⁸ Ɗai gaini farai n'ezini puɗu puɗu e wi sapa zi tuwi, zi kwimi siɗi, e ɗûûli amai sini Alaw gaini gdaŋɗi, pra e bindi payaiɗi, e hini sdakai na maafanai na tiɗi a zaŋ ɗa edi lai.

⁹ A blaŋtankai n'Alaw aga a bunda hinini ɗi ɗa, a bunda seŋni pla a za suwar sumu kapai mu bumu kai ɗi ɗa!

¹⁰ Alaw a tala sdaɗi gaini bindini payaiɗi lai, nɵa a za wala zi gir n'a hiinaŋ buri a zaŋ siɗi kai.