Yob 27 - Ɗû na sɗik na wiini Alaw

Yob a waya seŋ a muɗa: Ta war seŋ kai

¹ Yob a tika seŋ a muɗa:

² Gaini Alaw na karni n'a firiya a siŋkiti jreŋa edi kai, gaini Alaw zi spak paŋ n'a vaŋa gaini marava ɗa,

³ na ɓa mu mra kai, na ɓa suŋfa na wiini Alaw aŋ war merfeŋŋa hai ɗa,

⁴ jre zaŋ, ma aga a muɗa seŋ na maafanai kai, seŋ zi eles aga a niya edi war ma par kaalai.

⁵ Aga mu za ha war seŋki duk kai, haa war mriŋa, mu ɗiya war jreŋ a ɵa, aga mu miɗiki ɓa ta war seŋ kai.

⁶ Aga mu muɗa gaini gdaŋŋa ɓa payaiŋa ɗa a pɗem, mu bunda wula kai, payaiŋa ɗa a ka siyer mada kai, hiiniŋa ɗe a ko seŋ mada kaalai.

⁷ Alaw a za sini gawŋa ɗa maini ɗif na meefeŋ nɵa, a za sini ni n'a faka amai sa ɗa, maini ɗif na jre kai nɵa lai!

⁸ Biyi na pini ɵeɗ na wiini ɗif n'a huna Alaw kai ɗa, aŋ wata ɗa, Won hlai n'aga a yima edi warɗi yai par, hlai n'Alaw aga a tika suŋfani edi ɗa?

⁹ Won hlai na gir aga a cosi miɗini ɗa, Alaw aga a ɵina tuwini ɗi?

¹⁰ A nava firyini warni Alaw zi spak tiɓ ɗi? A na fu a siiwa Alaw hlai paŋ tiɓ ɗi?

¹¹ Mu dara mu hitriki miɗini spak n'abai, mu dara mu ŋoya hinini Alaw zi spak paŋ wuzaki kaalai.

¹² Tiki mal ma ki siɗi hanɗa edi gaglai, nɵa ɗa, ki bi hlai edi gaini seŋ n'a nafa kai ɗa buri maɗa?

¹³ Buri n'Alaw a siŋni wiini ɗif na meefeŋ ɗa a hanɗa, na ɗif zi karai a navaŋ tini Alaw zi spak par ɗa a hanɗa:

¹⁴ Na ɓa alini e ɗa viya ma e mri ɗa edi mini gaw, tiyakaini ɗa e nivi wala zi simi kai.

¹⁵ Nagai n'e kûrɗisi piɗi ɗa, veglek zi diŋgi aga a vidiɗi edi, falakai na war greŋ ɗa e kiɗi e tûwiɗi kai.

¹⁶ Na ɓa a tapa arzaŋ maini alogodo ɵa, sapa maini afti zi diɓi ɵa kaw ɗa, aŋ wiini wai,

¹⁷ aga a wa sapa hanɗa sini ɗa a ɗif na jre ɗa, arzaŋ ɗa ɗe a za sda gaini ɗa a ɗif na jie lai.

¹⁸ Ɗai na maafanai ɗa, dalamɗi n'e rgiŋ ɗa gdaŋ warni kai, a tuura edi goopa maini gumu na wiini ɗif zi giɗimi nɵa.

¹⁹ E fini azumai sek ɗa e ɗi ɗai zi farai, a ni ta, e ɵiyisi amai ɗa, wala kir kai.

²⁰ Hunai te luɓasi midiɗi maini yem nɵa, duvuk ɗa, smer na gdaŋ a finiɗi.

²¹ Smer na gdaŋ a hûrɗiɗi amai, a kiɗi gaigai, a hûrɗiɗi amai war hlai n'e ɗi ka woni gaini gdaŋ.

²² E ɵiɓiŋ gaini ɓaraw gaini hiinini haw kai, a dewele ɓa a ka sini.

²³ Won hlai n'e tiliɗi e ɗa vidi edi ɗa, e ɵiɓi tiɗi. Hlai n'e ɗi ka woni ɗa, e yibi hûwit piɗi gaini firiyi.