Yob 25 - Ɗû na sɗik na wiini Alaw

Miɗi n'ag'aŋ hu na wiini Bildad: E sispi gaini Alaw zi spak ɗa kai

¹ Bildad na Suwa par a tika seŋ a muɗa:

² Alaw ɗa spakni ɗa abai gara, sabab gara lai, a sa ɵeɗ haa war hlai n'amai.

³ Vokɗi askarai na wiini ɗa e pɵi ɗi? Gaglai na wiini ɗa a ŋala midiɗi ɗai paŋ kai ɗi?

⁴ Ɗif murɗek ɗa, kapai a ŋa sini ba meefeŋni aŋ kai wuzani Alaw ɗa maɵa maɵa ɗa? Ni na te waŋ te muni ɗa, kapai a za nɵa hilu ɗa maɵa maɵa ɗa?

⁵ Wuzani Alaw ɗa, tile ɗa maa a na ŋala kai, meeɵek ɗa ɗe ŋilini a kiɗa kaalai,

⁶ sokonta ɗif murɗek n'a tla kadai, na azii meere.