Yob 2 - Ɗû na sɗik na wiini Alaw

Titimi n'ag'aŋ sulu na wiini Yob

¹ Mefeŋ zamai ɗa, alini Alaw e hilisi wuzani EPIƊ-ƊAI aŋ sini labar miɗini sdaɗi, zi pi seŋ ɗa a halasi arbaɗi lai.

² EPIƊ-ƊAI a zilba ɗif zi pi seŋ ɗa: Ku halasi wata par ɗa? A wiyini seŋ: M'aŋsi aŋ guna midini afti paŋ aŋ paya.

³ EPIƊ-ƊAI a zilba ɗif zi pi seŋ: Yob na ɗifŋa ɗa ku talaŋsi ya kai ɗi, ɗif na maini ɵa midiɗi yai aŋ kai; a ɗif na jre, na ɗikat, n'a huna Alaw, n'a guna sini meefeŋ kaalai. A sini war jreni ɵa, ku hogoŋa aŋ ɓulkaŋ edi na ɗa kadai meere.

⁴ Amma Satan a wiyini seŋ: A futini ɵa, ɗif a sa kapai a nava, kapai suŋfani ɗif ɗa a kurɗa ɗa wala n'aŋ tini paŋ ɗa a ba burini.

⁵ Za barka, ku titima ni war suŋfani haw le, na ɓa a muɗuku seŋ na maafanai amai arku kai ɗa.

⁶ Nɵa EPIƊ-ƊAI a wiyini seŋ: Hala, mu suŋku li war tuku, amma ku tika tuku sini suŋfani ɗa kai.

Gir zamai n'a za sini Yob

⁷ Nɵa Satan a fakasi wuzani EPIƊ-ƊAI par, a hala wiini, a hala a tikini veglek na meefeŋ ktai sini Yob ta, veglek ni ɗa a yimaŋsi azumai warni ezini par haa amai midini arba ta.

⁸ Yob a sumna azumai arni alogodo dam, a vigo sini gaini abelem.

⁹ Munini te miɗini: Kapai suku pini jreku ɵa su pra! Miɗini seŋ na maafanai wiini Alaw ta ta, ku mra wiiku maa kal.

¹⁰ Yob a miɗiɗi: Ku muɗa seŋ maiɗi muni zi dûûli nɵa buri maɗa. Tumu mu yumumu ɓa pɗem ɗa a saŋ ɗa a Alaw, na ɓa a na ɵa meefeŋ ɗa mu yumunmu ɵa kai buri maɗa?

Giziɗi marmakaini Yob na hu

¹¹ Marmakaini Yob na hu, e ɵinisi labarni gir n'a navaŋ ɗa aha midini aftiɗi par, e hilisi sini. Yikiɗi a na maini nɵa: Elifaz na teman par, Bildad na Suwa par gaini Sofar na Naama par lai. E kiti miɗi buri e hili e tûwi gaini e sini arai zi pi lai.

¹² Won hlai n'e tiliŋ ɗi edi gaigai par a wula arɗi skeŋ. E kɵi edi aŋ tuwi gaini wulaɗi amai, ɗif paŋ a basa sapa na sini edi ɓas ɓas, E pûkû alogodo amai, alogodo ni a wayasi a poko midiɗi puk puk.

¹³ E simni gaini azumai arni afti ca haa mefeŋ muguzak, yuvai muguzak lai, amma ɗif ktai n'a miɗini seŋ kai, buri nagai e tili gumani girni ɗa ba.