Seŋ joro 9 - Ɗû na sɗik na wiini Alaw

Yel a na yika ɗai na gaini niyi kai ɗa

¹ Yel a rgiti dilimi na wiini ɓak a zizina garai na muguzak na warɗi ca lai.

² A fuɗa wazagaini ca, a jilna vinni, simi maa a da ya lai.

³ A ɵina ɗaini zi sda aŋ yikiɗisi ɗai, amai merfeŋni hlai n'amai mogo na wiini fuŋ n'abai ɗa par, e ɗûûli e miɗi:

⁴ Tiki na gaini niyi kai ɗa, vigisi won na ɗaw! Wiiɗi nagai na hangalɗi gulai, a miɗiɗi ɓa:

⁵ Hilisi simi simi na mu daŋ, ci vin na mu jilnaŋ ɗa lai.

⁶ Yimi siki e ɗi siɗi nagai n'e siɗi wala kai ɗa par, nɵa aga ki simni karki! Asakal hanɗa, ki tikiti futi na wiini siɗi ɗa lai.

⁷ N'a gada ɗif n'a kola sini, a nafa ɗa a miisi, ni n'a ɓara ɗif na payaini meefeŋ a nafa ɗa a tirki lai.

⁸ Ku gada ɗif n'a yima seŋŋni ɗif kai ɗa kai, aga a bula gaw suku, amma na ɓa ku gada li ɗif zi yel ɗa aga a duruku.

⁹ Gada ɗif zi yel ɗa, aga a bunda yel a suwa, hitra ɗif na jre ɗa, siɗini aga a riya amai.

¹⁰ Hormo na wiini EPIƊ-ƊAI ɗa a pi zi tiki na wiini yel, siɗi na wiiɗi nagai na sɗik ɗa, a siɗi ɗa.

¹¹ Buri ɓa gaya ta ɗa mefeŋku aga a za viya, buzaku aga a riya amai lai.

¹² Na ɓa ku zi yel ɗa, a nufuku ku tuku, na ɓa ku zi yimi seŋni ɗif kai ɗa ɗe a wiiku muduku lai.

Dûûli a na yikiɗi ɗai na gaini niyi kai ɗa

¹³ Dûûli ɗa, a na maiɗi muni na subupi, na gaini niyi kai, na te sɗa wala kaalai.

¹⁴ Na te sumna miɗi dilimiɗi miɗini tublaɗi dam, midini hlai n'amai mogo na war fuŋ n'abai,

¹⁵ te yikiɗisi nagai n'e vigi warɗi futi, n'e hili wiiɗi na wuzaɗi sek ɓa:

¹⁶ Tiki na gaini niyi kai ɗa, vigisi won na ɗaw; wiiɗi nagai na hangalɗi gulai ɗa, te muɗa maini nɵa:

¹⁷ Yem na ku halaŋ gaini hil ɗa a ca pɗem gara, simi na ku sumaŋ war kuɗuhai ɗa a suma pɗem gara lai.

¹⁸ Ɗai n'e hili ahaɗi ɗa e siɗi ɓa e hili na gaiɗi ɗai zi mri ɗa, e siɗi ɵa kai, e siɗi ɓa ɗai na te yikiɗisi e ɗa azumai war hlai zi simni na wiiɗi ɗai zi mri ɗa, e siɗi ɵa kaalai.