Sakariyas 3 - Ɗû na sɗik na wiini Alaw

Wala zi siŋki n'ag'aŋ puɗu: Yosva pai zi ɓaka n'abai

¹ Asakal par EPIƊ-ƊAI a siŋkaŋa Yosva, pai n'abai zi ɓaka, gaini ɗiyi zaw wuzani ɗif zi ɵeŋ na na wiini EPIƊ-ƊAI, Satan gaini ɗiyi ɵimani war gal na wus par zaw buri a pa seŋ midini lai.

² Ɗif zi ɵeŋ na wiini EPIƊ-ƊAI a miɗini wiini Satan maini nɵa: EPIƊ-ƊAI a dogo muku azumai, Satan, nkam a dogo muku duk, ni n'a viriti Yeruzalem. Ɗif hanɗa a na maini luwuŋ n'e tikiŋsi mini afu par nɵa kai ɗi?

³ Yosva a ɗiya wuzani ɗif zi ɵeŋ na wiini EPIƊ-ƊAI, gaini sapa zi selte sini.

⁴ Ɗif zi ɵeŋ a miɗiɗi wiiɗi nagai n'e ɗa wuzani ɓa e wi sapa zi selte na sini Yosva ɗa edi. Asakal par a miɗini wiini Yosva: tala mu koɵa meefeŋku edi ya, aga e wuku sapa na wiini fet suku.

⁵ A muɗa pra, fiɗini miɗini gaini kadamul na muɗukwi tal na selte sini kai, nagai e fiɗini miɗini gaini kadamul na selte sini kai; e wiini sapa sini lai. Ɗif zi ɵeŋ na wiini EPIƊ-ƊAI a na fu zaw lai.

⁶ ɵeŋ na wiini EPIƊ-ƊAI a miɗini wiini Yosva maini nɵa:

⁷ EPIƊ-ƊAI zi spak paŋ a na muɗa maini nɵa: na ɓa ku na paya maini na mu dara nɵa, na ɓa ku na paya maini na mu dara nɵa, tuku aga ku ŋa miɗini Tempelŋa, aga ku tika hangalku siɗi pakataini lai, aga mu tukuku arbaɗi nagai n'e ɗa e zi ɵeŋ na wiya woni lai.

Alaw aga a kasi ɗifni zi ɵeŋ

⁸ Yosva, pai n'abai zi ɓaka ɵina pɗem, tuku gaiɗi marku n'e ɗa gaiku na ɗa, buri nagai e ɗi wala zi siŋki: tili aga mu kasi ɵeŋ na wiya, ni n'e yikiŋ ɓa “walni”.

⁹ Kai tiɓ ɗa ahi-fuŋ na mu siŋni wiini Yosva ɗa a hanɗa: Arai muguzak aga a pa miɗini ahi-fuŋ hanɗa. ta mal aga mu ɗo wala miɗini, a girda edi kai, a miɗi na sini EPIƊ-ƊAI zi spak paŋ par, aga mu haza tuwur na wiini afti hanɗa edi war yivai ktai pal.

¹⁰ War mefeŋ ni ɗa aga ki yiki marki, aŋ simni piɗi marki azumai pini sezeni luwuŋ zi vin gaini luwuŋ Fige, a miɗi na sini EPIƊ-ƊAI zi spak paŋ par.