Nahum 2 - Ɗû na sɗik na wiini Alaw

¹ Tili amai midini huwaŋai ezini ni n'a muɗa labar na pɗem na wiini ɵeɗ. Za fet na wiiku Yuda. Va wala zi hi mi na wiiku amai, buri ni na tuwur aga a vugasi warku pra kir kai. A vada edi marwai.

² Ni n'a haɗa hlai a na halasi muduku, giɗima hlaiku zi ɵaga, Tika hangalku siɗi futi n'a kiɗa halasi woɗi par ɗa, rga wuzaku amai, tapa gdaŋku amai.

³ Buri EPIƊ-ƊAI a dara a wiyitisi abai na pɗem na wiini Yakob buri ni a wala zi firiyi na wiiɗi na wiiɗi Izrayel. Buri ɗai zi virmi e virmiɗi, e ɓilki luwaŋai zi vin edi.

Ninive seŋɗi a daba li, e virmiti li

⁴ Gamar na wiiɗi gaŋgalaŋai e bindiŋ makalakai. Ɗai n'e siɗi hatam e wi sapa na mekele hirra. Saret zi gaw a luɓasi gaini kawai na ya pre-pre, won hlai n'e zizini siɗi li min hatam E ziriyi kawakai n'aŋ tiɗi.

⁵ Saret zi gaw a ruva bar kadai, hlai paŋ, a pirmasi war hlai zi gaw ɗa sek, e tili maini kalu z'afu nɵa, e rûvi maini wilɗi nɵa.

⁶ Pai na Ninive miɗini a kɵa gaiɗi askarai na ɗai piɗi miya ɗaw ɗaw na wiini, war hiliɗi na sini sek eziɗi a turma, ɗai n'e birgiɗi e luwi piɗi haa amai miɗi ɵagai e ŋûyi siɗi duɓani hlai.

⁷ Min magala n'agoɗom min yem sek a haɗa edi. Dalamni pai a ho azumai.

⁸ Wala zi rgi na wiiɗi e niviti jek, e tikiti ɗaw, falakai n'e zini piɗi e nuumi maini dere n'a na ɵa marava. E ɵiɓi didikɗi lai.

⁹ Ninive te na ka avut par maiɗi avai zi ki yem nɵa, na yemɗi abai. Tiliɗi haw e ɗa luwi Ɗiyi gdaŋ, Ɗiyi gdaŋ. E ɗûûliɗi piɗi par, amma ɗif ktai ma na bundasi arni duɓani sek aŋ kai.

¹⁰ Virmi arzaŋ na gaini or ɗa, godai na vada kai. Farai zamai war wazagai na wûrini abai, pinziba, pinziba.

¹¹ Vram gaini ɓilki n'edi, agulki a huna, kurnai a ziriya, Siɗi paŋ a ziriya, arɗi paŋ a kwima.

Ninive te tala maini gurnai na gadaŋni a vada vat nɵa Ninive te na maini gurnai n'e rɗili amai midini nɵa

¹² Hlai zi simni na wiini gurnai aŋ wata pra ɗa? Hlai na wiini alini gurnai, hlai na gurnai a hala edi aŋ ɵar, ɗif ktai maa a guna siɗi alini kai.

¹³ Gurnai a fawa neŋni salak miɗi alini, gaiɗi munini, a va hlaini zi simni gaini salak n'a fuɗaŋsi.

¹⁴ Wara a na lumaŋa suku, a muɗaŋ a EPIƊ-ƊAI zi spak paŋ: aga mu ya saretku zi gaw edi. Kaɵkar aga a luma alini gurnai na wiiku, aga mu ɗiya sdani vram gaini wazagai na ku mulaŋ tiɗi ɗai par ɗa. Ɗif aga a ɵina wulaɗi ɗaiku zi ɵeŋ kir kai.