Nahamiyas 12 - Ɗû na sɗik na wiini Alaw

Yikiɗi paakai zi ɓaka gaiɗi Levitekai n'e wiyisi edi par gaini Zorobabel gaini Yosva

¹ Hanɗa e ɗi paakai zi ɓaka gaiɗi Levitekai n'e wiyisi gaini Zorobabel ahini Satiyel gaini Yosva: Seraya, Yeremiyas, Ezdras

² Amariya, Maluk, Hatus,

³ Sekaniya, Rehum, Meremot,

⁴ Iddo, Ginetoi, Abiya,

⁵ Miyamen, Madiya, Bilga,

⁶ Semaya, Yoyarib, Yedaya,

⁷ Sallu, Amok, Hilkiya gaini Yedaya lai. Hanɗa e ɗi abakaiɗi paakai zi ɓaka gaiɗi tawalakaiɗi war mefeŋ na wiini Yosva.

⁸ Yikiɗi Levitekai a na maini nɵa: Yosva, Binnuwi, Kadmiyel, Kerebiya, Yehuda, Mataniya ni gaiɗi tawalakaini sdaɗi a tikini yama.

⁹ Bakbukiya gaini Uni na tawalakaini e ɗiyisi arɗi par ca, e yimiɗi miɗi aŋ tili sdaɗi tiɗi lai.

¹⁰ Yosva a wa Yoyakim, Yoyakim a wa Eliyasib, Eliyasib a wa Yoyada,

¹¹ Yoyada a wa Yonatan, Yonatan a wa Yaduwa.

¹² War mefeŋ na Yoyakim a na ka aŋ pai zi ɓaka n'abai, hanɗa e ɗi paakai zi ɓaka na war Pinziba: war pinzibani Seraya ɗa a Meraya, war pinzibani Yirmaya ɗa a Hananiya,

¹³ war pinzibani Ezdras ɗa a Mesulam, war pinzibani Amariya ɗa a Yohanan,

¹⁴ war pinzibani Meluki ɗa a Yonata, war pinzibani Sebaniya ɗa a Yosef,

¹⁵ war pinzibani Harim ɗa a Adna, war pinzibani Merayot ɗa a Helkai,

¹⁶ war pini Iddo ɗa a Sakariyas, war pinzibani Gineton ɗa a Mesulam,

¹⁷ war pinzibani Abiya ɗa a Zikri, war pinzibani Miniyamen gaini Muwadiya ɗa a Pitai,

¹⁸ war pinzibani Bilga ɗa a Samuwa, war pinzibani Semaya ɗa a Yehonatan,

¹⁹ War pinzibani Yoyarib ɗa a Matenai, war pinzibani Yedaya ɗa a Uzi,

²⁰ war pinzibani Sallai ɗa a Kallai, war pinzibani Yedaya ɗa a Amok gaini Eber,

²¹ war pinzibani Hilkiya ɗa a Hasabiya, war pinzibani Yedaya ɗa a Nataneyel.

²² War mefeŋ na Eliyasib, Yoyada, Yohanan gaini Yaduwa e ɗi ka aŋ paakai n'abakai zi ɓaka, Levitekai na tamaini dalam gaiɗi paakai zi ɓaka lai, yikiɗi a na fu gaini ɗû war maktuɓ n'abai haa sini mefeŋ na wiini Dariyus pai na Persus.

²³ Alini Levi na tamaini dalam paŋ, yikiɗi a na fu gaini ɗû warni maktuɓ na sdakai n'abakai n'a za paŋ aŋ warni haa sini mefeŋ na wiini Yohanan na tiyni Eliyasib ɗa ta.

²⁴ Yikiɗi n'abakai zi ɵi wuze na wiiɗi Levitekai a na maini nɵa: Hasabiya, Serebiya gaini Yosva n'ahini Kadmiyel gaiɗi tawalakaiɗi n'e ɗiyisi arɗi par aŋ zini yama pini gadai na wiini David ɗif na wiini Alaw. Ɗif paŋ a zina yama zi kol gaini yama zi tese warni mefeŋ ni n'a ɗiya ta ta ɗa.

²⁵ Mataniya, Bakbukiya, Obadiya, Mesullam, Talmun gaini Akkub ɗai zi giɗimi mini magala, e giɗimi magazeŋ n'a na ɵimaɗi mini tempel.

²⁶ Nagai ɗa e zi sda war mefeŋ na wiini Yoyakim n'ahini Yesuwa, ahini Yosadak, pra war mefeŋ na wiini Lawaŋ Nahamiyas gaini Esdras na pai zi ɓaka, n'a sɗa ɗû gara lai.

Fet na wiini vidini zizininiɗi ɵagai na Yeruzalem

²⁷ War fet na wiini vidiɗi ɵagai e ɵini piɗi Levitekai war hlai n'e ɗa woni paŋ buri e hilisi aha war Yeruzalem, aŋ ziti fet hanɗa gaini firiyi n'abai, gaini yama zi kol, gaini yama n'a zina gaini kawai n'a tuwa, gaini adill, gaini gaŋgraŋ lai.

^28-29 Ɗai zi zini yama n'edi par ɵimaɗi Yeruzalem paŋ, na ɵimaɗi Netofa par paŋ, na Bet-Gilgal par paŋ, n'edi war basga na ɵimaɗi Geba par gaiɗi na ɵimaɗi Asmawet paŋ e diŋgisi buri dalamɗi a na gobi ɵimaɗi Yeruzalem.

³⁰ Paakai zi ɓaka gaiɗi Levitekai e zi siɗi edi hilu, e zi ɗai edi hilu lai, asakal par e zi mini magala gaiɗi ɵagai ɗa edi hilu lai.

³¹ Mu miliɗi n'abakai zi ɵi wuze na war Yuda amai midiɗi ɵagai, mu za vok zi zini yama abakai abakai sulu. Na ktai a hala amai midiɗi ɵagai midiɗi ta na wus, sini magala zi zilgit sek;

³² Piɗi par, Hosaya gaini galɗi n'abakai na Yuda;

³³ Azariya, Edras, Mesulam,

³⁴ Yehuda, Benyamin, Semaya gaini Yirmeya.

³⁵ Na e viriɗisi arbaɗi paakai zi ɓaka, na gaini fana e hiliɗi piɗi par: Zekariya n'ahini Yonatan, n'ahini Semaya, n'ahini Mataniya, Mikaya n'ahini Zakkur, n'ahini Azaf,

³⁶ gaiɗi marni na gaini, Semaya, Azarel, Milalai, Gilalai, Maai, Netaneyel, Yehuda gaini Hanani lai e libi wazagai zi zini yama na wiini David ɗif na wiini Alaw; Esdras, ɗif n'a sɗa ɗû gara aŋ wuzaɗi su.

³⁷ Won hlai n'e cû mini magala n'e yikiŋ ɓa magala na wiini Yem zi liiwi, wuzaɗi par cir e hi mini hlai na wiini fuŋni David, mini hlai n'e hi amai sini ɵaga sek woni ɗaw, e hi haa amai midini dalam na wiini David amai par. Asakal par e hili wuzaɗi haa war magala na wiini yem tiɗi Yeruzalem piɗi futi na dawai par.

³⁸ Vok zi zini yama n'ag'aŋ sulu a hala amai midiɗi ɵagai, midiɗi ta na muni sek. Ta gaiɗi ɗai n'abakai zi ɵi wuze mi hiliɗi piɗi par amai par miɗini poriyo zi hiliyi kawakai ɗaw haa sini ɵaga na bruk ɗa ta.

³⁹ Mi hili wuzaɗi amai par miɗini magala na wiini Efrayim ɗaw mini magala na wiini Yesana ɗaw, mini magala na wiini hilif ɗaw, miɗini poriyo na wiini Hananiyel gaini poriyo na wiini Meya ɗaw haa mini magala na wiini Adumai ta. Mi ɗiyi mini magala na wiini hlai zi gɗam sa.

⁴⁰ Asakal par vok zi zini yama na sulu e hilisi e ɗiyi amlai war Dalamni Alaw sa, ta gaiɗi ɗai n'abakai zi ɵi wuze n'e ɗa gaya lai;

⁴¹ gaiɗi paakai zi ɓaka hanɗa: Eliyakim, Maseya, Miniyamen, Mikaya, Eliyohenai, Zekariyas gaini Hananiya gaini fana tiɗi.

⁴² Maseya, Semaya, Eleyazar, Uzi, Yehohanɗan, Malkiya, Elam gaini Ezer. Yizraya n'abaiɗi ɗai zi zini yama gaiɗi ɗaini e zini yama.

⁴³ Mefeŋ hanɗa ɗai e zi ɓaka viya, e firiyi gara buri ɓa Alaw a wala n'a siɗi firiyi. Falakai gaiɗi aliyagoi e firiyi gara lai; sura na wiini firiyi na wiiɗi Yeruzalem a wa haa edi gaigai.

Gal n'a sa siɗi paakai zi ɓaka gaiɗi Levitekai

⁴⁴ War mefeŋ ni ɗa e mili ɗai buri e giɗimi dalam na zizina buri wazagai n'a yimasi edi war merfeŋni seyem par, war ni wazagai par lai n'a kiŋsi edi war basga na ɵimani fuŋ n'abakai par, gal na ɗû a muɗa miɗini ɓa a sa siɗi paakai zi ɓaka gaiɗi Levitekai a diŋga woni. Nɵa ɗai n'aha war Yuda paŋ e firiyi abai gara buriɗi paakai zi ɓaka gaiɗi Levitekai n'e ɗa war sda.

⁴⁵ N'e ɗa e zi ɵe na wiini Alaw gaini de na wiini zi n'e di aŋ hilu, ɗai zi zini yama gaiɗi ɗai n'e giɗimi magala e zi pini wala na David gaini Salmun n'ahini e miɗiɗi miɗini.

⁴⁶ Buri avut par war mefeŋ na wiini David gaini Asaf, n'abakai n'e ɵi wuzaɗi war yama, yama zi kol gaini zi zini tese na sini Alaw lai e ɗi ka.

⁴⁷ War mefeŋ na wiini Zorobabel gaini mefeŋ na wiini Nahamiyas, Izrayel paŋ e si gal na siɗi ɗai zi zini yama gaiɗi ɗai zi giɗimi mini magala mefeŋ mefeŋ paŋ. E si wazagai na wiini Alaw wiiɗi Levitekai, Levitekai e si na siɗi paakai zi ɓaka na war pinzibani Aaron.