Nahamiyas 11 - Ɗû na sɗik na wiini Alaw

Yikiɗi Yudiyakai n'e wiyisi aŋ zi fuŋ aha warɗi Yeruzalem

¹ N'abakai n'e ɵi wuze e simni a ha war Yeruzalem. Ɗai n'e hini paŋ e mili ɗai, e tiki ktai arbaɗi pini wala zi vili aŋ sumna aha warɗi Yeruzalem, fuŋ n'abai na sɗik. Na ɵeeŋe n'e hini e simni war fuŋ n'abakai zamai n'e diriŋ.

² Ɗai e siɗi tese wiiɗi ɗai n'e si siɗi pini diriɗi aŋ simni aha war Yeruzalem.

³ Hanɗa e ɗi ɗai n'abakai zi ɵi wuze na midini afti na Yuda n'e simni aha war aha Yeruzalem. Aliɗi Izrayel na zamai paŋ, paakai zi ɓaka, Levitekai, ɗai n'e zi sda n'agogoi war tempel gaini pinzibani Salmun n'e simni war fuŋ n'abakai zamai na war Yuda, ɗif paŋ war fuŋni n'abai fuŋ n'abai, ɗif paŋ miɗini zöni tar tar.

⁴ Pinzibani Yuda gaini pinzibani Benyamin zamai e simni e simni aha war Yeruzalem. War pinzibani Yuda e ɗi miɗi: Ahaya, ahini Uziya, ahini Zekariya, ahini Amariya, ahini Sefatiya, ahini Mahalalel war pinzibani Peres,

⁵ gaini Maaseya ahini Baruk, ahini Kol-Hoze, ahini Hazaya, ahini Adaya, ahini Yoyarib, ahini Zekariya, ahini Ha-Siloni.

⁶ Pinzibani Peres paŋ e simni aha war Yeruzalem e ɗa ɗai 468 e ɗi ɗai n'e siɗi hatam paŋ.

⁷ Pinzibani Benyamin e ɗi miɗi: Salu n'ahini Mesulam, ahini Yowed, ahini Pedaya, ahini Kolaya, ahini Maaseya, ahini Itiyel, ahini Yesaya,

⁸ gaini Gabbai Sallai lai, nagai paŋ ɗai 928.

⁹ Yuwel ahini Zikri abaini vok hanɗa. Yehuda ahini Ha-sema a ni n'aga wulani war fuŋ hanɗa.

¹⁰ Paakai zi ɓaka e ɗi miɗi: Yedaya n'ahini Yoyarib, Yakin,

¹¹ Seraya n'ahini Hilkiya, ahini Mesulam, ahini Sadok, ahini Merayot, ahini Ahitub abai miɗini dalam na wiini Alaw,

¹² gaiɗi tawalakaiɗi zamai zamai n'e zi sda amlai war dalam na wiini Alaw lai, paŋ e ɗa 822. Zamai: Adaya n'ahini Yeroham, ahini Pelaliya, ahini Amsi, ahini Zekariya, ahini Pasehur, ahini Malkiya,

¹³ gaiɗi tawalakaini na tamaini dalam paŋ ɗai 242; Amasai n'ahini Azareyel, ahini Azai, ahini Mesilemot, ahini Imer.

¹⁴ Gaiɗi tawalakaiɗi ɗai n'e siɗi hatam paŋ 128 abaini vok hanɗa a Zabdiyel n'ahini Hagedolim.

¹⁵ Levitekai e ɗi miɗ: Semaya n'ahini Hasub, ahini Azrikam, ahini Hasabiya, ahini Bunni,

¹⁶ Gaini Sabtai gaini Yozabad n'abakai arbaɗi Levitekai na sda na anene par sini tempel a sa tiɗi;

¹⁷ gaini Mataniya n'ahini Mika, ahini Zabdi, ahini Azaf ɗif zi tiki yama zi zini tese war hlai zi siiwa gaini Bakbukiya a ni n'a zina pini gaini Abda ahini Samuwa, ahini Galal, ahini Yedutun.

¹⁸ Levitekai paŋ e ɗa n'e ɗa aha war fuŋ na sɗik paŋ e ɗa 284.

¹⁹ Ɗai zi giɗimi mini magala e ɗi miɗi: Akub, gaini Talmun gaiɗi tawalakaiɗi n'e giɗimi mini magala lai e ɗa paŋ ɗai 172.

²⁰ Izrayelekai n'e hini paŋ gaiɗi paakai zi ɓaka gaiɗi Levitekai lai war fuŋ n'abakai na war Yuda, ɗif paŋ war hlaini hlaini.

²¹ Ɗai n'e zi sda n'agogoi warni tempel e simni war galni fuŋ na Yeruzalem n'e yikiŋ ɓa Ofel.

²² Abaiɗi Levitekai na war Yeruzalem a Uzi n'ahini Bani, ahini Hasabiya, ahini Mataniy, ahini Mika, war pinzibani Asaf, sdani yama zi zini na war tempel a sa tiɗi.

²³ Ɗai n'e zini yama ɗa e zi pini gadai n'a halasi sini pai par, e zi pini wala n'a na gaini kiti ta ta buriɗi war yuvai lai.

²⁴ Petahiya n'ahini Mesezabel war pinzibani Zera n'ahini Yuda ni arɗi ɗai na Izrayel aha war pakatai na wiini pai na Persus.

Yudiyakai n'e simni edi par siɗi Yeruzalem

²⁵ Ɗai zamai war pinzibani Yuda e simnisi edi par ca ca war Kiriyat-Arba, war fuŋ n'agogoi na ɵimaɗi, war Dibon gaini fuŋ n'agogoi na ɵimaɗi, war Yekabseyel gaini fuŋ n'agogoi na ɵimaɗi.

²⁶ War Yesuwa, war Malada, war Bet-Pelet,

²⁷ war Hasar-Suwal, war Ber-Seba gaini fuŋ n'agogoi,

²⁸ war Siklag, war Mekona gaini fuŋ n'agogoi na na ɵimaɗi,

²⁹ war Ein-Rimmon, war Soreya, war Yarmut,

³⁰ war Zanuwa, war Adullam gaini fuŋ n'agogoi na ɵimaɗi, war Lakis, war basga na ɵimaɗi, war Azeka gaini basga na ɵimaɗi. E simnisi a Berseba war gal n'amai par haa war huduk na Hinon, haa war gal n'azumai sek.

³¹ Pinzibani Benyamin e simni war Geba, war Mikmas, war Aya, war Betel gaini basga na ɵimaɗi,

³² war Anatot, war Nob, war Ananiyas,

³³ war Hatsor, war Rama, war Gitayim,

³⁴ war Hadid, war Seboyim, war Nebalat,

³⁵ war Lod gaiɗi Ono, huduk na wiiɗi ɗai zi zi sda.

³⁶ Arbaɗi Levitekai par, zamai midini afti na Yuda par, e hili midini afti na wiini Benyamin.