Habakuk 2 - Ɗû na sɗik na wiini Alaw

Na jre-ɗikat aga a sumna karni gaini yimi

¹ Mu na fu war hlaiŋa zi ŋoyai, mu ɗiya amai midini ɵaga, mu baya wala n'EPIƊ-ƊAI aga a muɗaŋa ɗa, seŋ n'aga mu wayaŋ asakalni zilbiŋa na mu zilbaŋ ɗa.

² EPIƊ-ƊAI a wayaŋa seŋ maini nɵa: Ɗo wala n'a siŋka arku gaglai edi gaglai midini ali-fuŋ kapai a ŋa edi gaglai.

³ Buri hanɗa a wala zi siŋki na mefeŋ ni aŋ gaini ɗiyi zaw, a hala na sini dibini sek, eles warni kai. Na ɓa a halasi gop kai tekeɗeɗi, bayaŋ. Buri aga a va amai jre jre war hlaini.

⁴ Ɗo ɓa: Ɗif na hinini meefeŋ gdaŋni aga a vada, ni n'a hina Alaw edi kai a jre, nɵa aga a sumna karni.

⁵ Kal kal maini ɗif zi ciini gaini sul n'a zila sini amai ɗa nɵa, ɗif n'a kola sini a sumna gaini hangal kai, a mala gurɗokni maini hlaiɗi ɗai zi mri nɵa, a va kai maini mri, a tipiɗisi pinzibaɗi ɗai paŋ sini, a diŋgiɗi ɗai paŋ sini.

⁶ Nagai n'e yimiɗisi mini gaw aga e tiliɗi maini wala n'e piɵiŋ aŋ murɵi nɵa, maini wala n'e zi anya sini, na jreni aŋ kai nɵa, ɗai aga e miɗi midiɗi ɓa: haw gara burini ni n'a tapa wazagai na wiiɗi marni. Haa kaswata ɗa, haw miɗini ni n'a ɵapa tumuŋ miɗini.

⁷ Nagai n'e tupuku wala aga e fikisi amai tizaw kai ɗi, nagai n'aga e kusurku aga e ɵiyisi amai war weseŋɗi par kai ɗi? Nɵa aga ku bunda aŋ wala zi der na wiiɗi.

⁸ Buri tuku ku vurma pinzibaɗi ɗai viya, piniziba na hanɗa paŋ aga e vurmuku, buri fel na wiiɗi ɗai na ku maŋ edi, buri karai na ku zaŋ midini afti, sini fuŋ n'abai gaiɗi ɗai na warni paŋ.

⁹ Haw burini ni n'a tapa riba na jre-ɗikat kai burini dalamni, kapai a rga dalamni amai gaini, kapai gir a sɗa aŋ navaŋ kai.

¹⁰ Ku glasi siyer miɗini pinzibaku, fiɗi na ku na fiɗiɗi ɗai maini hanɗa nɵa, a wala na meefeŋ burini suŋfaku dama.

¹¹ Alini fuŋ n'e rgi dalam gaini a ɗuula, voɗok na midini dalam a wiyini seŋ.

¹² Haw gara burini ni n'a rga fuŋ n'abai gaini fel, n'a toro azini gaini meefeŋ.

¹³ Wala hanɗa a halasi na ɗa sini EPIƊ-ƊAI zi spak paŋ par kai, ɗai e kiyi siɗi buri e zi wazagai paŋ wiini afu, e kiyi siɗi na ɗa meere.

¹⁴ Buri afti paŋ aga a va gaiɗi abai na pɗem na wiini EPIƊ-ƊAI, maini ra n'abai n'a va gaini yem nɵa.

¹⁵ Haw gara burini ni n'a sa wala zi ciini mini maini, buri tuku na ku zilna wazagai zi ci na ɗawakai ɗa kapai a ciina gaini ɗa, kapai ɗai e tili gaŋalani!

¹⁶ Aga ku nava kol kai, amma ku dogo gaini siyer, tuku dama ca lai kapai ku tala ganalaku haw ɗa. Kup zi ci na wiini hiy na wiini EPIƊ-ƊAI na jre, aga te bunda muduku, siyer aga a dûgûti abai na pɗem na wiiku.

¹⁷ Buri karai na ki ziŋ siɗi Liban aga a bunda midiki. Tiki ki fiɗi wazagai na buza, wazagai hanɗa aga a bunda midiki, hanɗa paŋ aga a za siki burini fel na wiiɗi ɗai na ki miŋ edi, burini karai na ki ziŋ midini afti, sini fuŋ n'abai gaiɗi ɗai na warni paŋ.

¹⁸ Pɗemni alawai zi rgi ɗa a maɗa? Kapai ɗif a sɗa aŋ kilɗaŋ aŋ alawni, zaw, wala zi rgi gaini kawai zi mi n'a hitra eles, kapai ɗif n'a zizinaŋ a hina sini war tini, a baya tini lai, paŋ ktai a zizina na ɗa a alawai na ɓurtum.

¹⁹ Haw gara burini ni n'a muɗa sini luwuŋ: Faka amai. Sini ahi-fuŋ na ɓurtum: Ɵiya amai! a kiɗa a sa gadai ɗi? Tili, e miŋ gaini or, zaw arzaŋ, amma suŋfa agwi warni kai.

²⁰ Amma EPIƊ-ƊAI a na amlai warni tempelni na sɗik, ɗai paŋ e simni hiyak wuzani arni.