Galatekai 1 - Ɗû na sɗik na wiini Alaw

Ɵiɓini wuti

¹ Pawlus, apostel -n'e ɵiniŋ e ɗi ɗai kai, n'a zaŋ aŋ apostel ɗa a ɗif kaalai, amma a Yesu Kristu gaini Alaw Api, n'a ɵiyasi Yesu amai arbaɗi zi mri par,

² gaiɗi tawalakai paŋ n'e ɗa gaya, sin tipi na war Galatiya.

³ Alaw n'Apumu gaini Epiɗ-ɗaimu Yesu Kristu, siki yum gaini ɵeɗ.

⁴ Yesu Kristu a sa sini dama edi burini tuwurmu, kapai a plumusi edi warɗi yai na maafini na tiyana ɗa par, pin dirini Alaw n'Apumu,

⁵ ni na kol a wiini haa hlai n'a vada kai n'a vada kai.

Labar na pɗem a na ktai

⁶ Bindi na ki bindi edi kokolai sini yiki n'Alaw a yikikisi kadai sini yum na wiini Yesu Kristu aŋ yimi labar na pɗem zamai ɗa a bundaŋ hiyak gara.

⁷ Labar na pɗem hanɗa maa a labar na pɗem kai, amma ɗai zamai e ɗa yaw, n'e firiyi e kiɗi dûrgûzi arbaki lai, e ɓilki labar na pɗem na wiini Kristu ɗa edi lai.

⁸ Amma koo ɓa mi tiyi dama ɗi, koo ɓa a ɗif zi ɵeŋ na Ar fuŋ n'Alaw par ɗi, na ɓa a halasi a ɓaka siki a labar na pɗem na mi ɓikiŋ avut ɗa kai ɗa, tusa a sumna miɗini dam.

⁹ Mi miɗiŋki duk ya, mu waya mu muɗaŋ tiyana pra, na ɓa ɗif a ɓaka labar na pɗem zamai siki n'a kata gaini na ki niviŋ kai ɗa, a juva ɓa tuusa a sumna miɗini dam.

¹⁰ Tiyana mu fuɗa was na ɗa ɓa kapai ɗai e kuliŋa zaw Alaw a kolaŋa ɗi? Mu paya na ɓa ɗai e diriŋa ɗi? Mu paya fu n'a pɗem n'rbaɗi ɗai ɗa, mu za aŋ ɵeŋni Kristu kai.

Virini Pawlus aŋ apostel, aŋ ɓaka labar na pɗem edi

¹¹ Tawalakaya, mu dara mu miɗiki Labar na pɗem na mu ɓaka siki ɗa, a miɗi na wiiɗi ɗai kadai kai.

¹² Buri ɓa ta dama mu navaŋ sini ɗif par kaalai, mu hitraŋ sini ɗif par kaalai, amma a siŋkaŋa ara ɗa a Yesu Kristu.

¹³ Tiki ki sini miɗini payai na mu na ka warni aɗipar pin yimi na wiiɗi Yudiyakai ɗa, mu ziɗi gir wiiɗi tipi na wiini Alaw a suwa pɗemni, hlai n'e ɗa woni mu fuɗa was aŋ tuuraŋ edi lai.

¹⁴ Pini yimi na wiiɗi Yudiyakai, mu hala wuza mu sûwiɗi mara zi vna na war pinzibaŋa ɗa, mu firiya ɓa ɗif a muɗa meefeŋ sin gadai na wiiɗi tamaiya kaalai.

¹⁵ Won hlai n'a tala arni Alaw pɗem, buri a varaŋa edi war gutɗi ama par, a yikaŋa pin yum na wiini,

¹⁶ aŋ siŋka ahini edi gaya, kapai mu ɓaka edi miɗini maini labar na pɗem nɵa, siɗi pinziba na zamai ɗa war hlai ni tizaw mu zilba hinini ɗif ktai kai.

¹⁷ Mu hala amai a Yeruzalem siɗi apostelai na wuza par kaalai, amma mu hala edi war Arabia, asakal par mu waisi war Damaskus pra.

¹⁸ Buza hu asakal hanɗa, mu hala amai a Yeruzalem, aŋ tala Kefas, buri mu sɗaŋ kai. Mu sumna ahani mefeŋ doogo pi ɵim.

¹⁹ Mu sɗa apostel zamai kai, sai Yakob na tawalni Epiɗ-ɗai tar,

²⁰ Seŋ na mu ɗoŋ siki na ɗa, mu muɗaŋ na ɗa wuzani Alaw, mu za ɗa a eles kai.

²¹ Asakal par mu hala midini afti na Siriya gaini na Kilikiya.

²² Amma tipi na wiini Kristu na war Yudiya e siɗiŋa ka duk kai,

²³ amma e ɵini ɗa ɓa ni na ɗipar a na ka a zumu gir ɗa, tiyana a bunda a ɓaka labar miɗini yimi n'a na ka a firiya a tuuraŋ edi ɗa.

²⁴ E si kol sini Alaw buriya lai.