Biblia Todo Logo
Bìoball air-loidhne

- Sanasan -

Ɗif zi ɓiki seŋ 11 - Ɗû na sɗik na wiini Alaw


Melke gaini sda

1 Ɵa suku agoɗom mefeŋ ktai ɗa aga ku nava arcukku ɗa.

2 Sa tuku edi wiiɗi ɗai kiiɗi kiiɗi viya, buri ku sɗa gir n'aga a halasi midiɗi yai ɗa kai.

3 Na ɓa ɗugul zi faŋ a bla li amai ɗa, a ɵa faŋ midiɗi yai; na ɓa luwuŋ a kɵa amai sek, azumai sek, hlai n'a kɵa woni ɗa a hina woni su.

4 Ɗif n'a huna hlai zi smer ɗa a suuɗa kai, n'a huna faŋ ɗa a haɗa kaalai.

5 Maini na ku sɗa futini suŋfa kai, rgini ahi n'amlai war gutɗi muni kaalai na ɵa ɗa, nɵa sdani Alaw n'a za wazagai paŋ ku kiɗa ku sɗaŋ kaalai,

6 Gorof par tar ku bla seyemku azumai, koskoi ɗa ku za wala zamai ta lai, buri ku sɗa n'aga a nava arbani na sulu kai; zaw aga za gaini sulogoini paŋ ɗe ɗa.


Ku simiti duniya gaini hangal

7 Gaglai ɗa a wala na pɗem, arai te firiya won hlai na te tiliti futi.

8 Na ɓa ɗif aga za buza viya a juva ɓa a firiya warni paŋ, amma aga a wula miɗini kai ɓa mefeŋ zi gir aga a za viya, wala n'aga a za paŋ ɗa a meere kadai.

9 Gawla, firiya warɗi gawlaku, agulku a firiya war hlai na ku na agwi hai, za maini na ku hiinaŋ ɵa, maini n'a tala arku pɗem ɵa lai. Amma, ku yimaŋ muduku ɓa, buri hanɗa paŋ ɗa, Alaw aga a zutuku sariya.

10 Ku ziɗi gir wiiɗi agulku kaalai, wiini neŋ-suku kaalai, buri ɓa gawla gaini buza na wiini ayir na murɗek ɗa a meere kadai.

La Bible en Musgum © Alliance Biblique du Cameroun 2012 © Nouveau Testament, Alliance Biblique du Cameroun 1964 © American Bible Society New York, 1964

Bible Society of Cameroon
Lean sinn:



Sanasan