1 Timotewus 3 - Ɗû na sɗik na wiini Alaw

¹ Seŋ hanɗa a jre. Na ɓa ɗif a dara a za sda zi giɗimi, a paya ɗa a sɗa na pɗem.

Zi giɗimi tipi

² Amma aga a za ɗa a ɗif na seŋ sini kai, ɗif na munini ktai, n'a sɗa aŋ ɗala sini, na kûlûni-si warni kai, na gaini hormoni, n'a yimiɗi ɗai sini, n'a kiɗa aŋ hitriɗi ɗai,

³ n'a tika mrini edi min ci ɗa kai, a zi dibi was kai, amma a na hangal, a paya hiy kai, n'a tika mrini edi min farai zi piyi kai,

⁴ a ɗif n'a giɗima dalamni pɗem, n'alini paŋ e gidi pini war hangal.

⁵ Buri ɓa, na ɓa ɗif a sɗa aŋ giɗima dalamni kai ɗa, a sɗa a giɗima tipi na wiini Alaw maɵa maɵa ɗa?

⁶ Aga a za a ɗif n'a yima hehe kai, kapai kûlûni-si a ŋulvaŋ, haa a kɵa warɗi sariya na wiini mat ɗa kai.

⁷ A ɗif na ɗai n'edi par e miɗi zaida na pɗem miɗini, kapai ɗif a miisaŋ kai, kapai a kɵa warni azaw na wiini mat kaalai.

Ɗai zi zinai

⁸ Zi zinai nɵa lai, aga e zi e ɗi ɗai zi hormo, na jrekai lai, na miɗi sulu-sulu kai, e ci vin gara kai, e piyi der na war jre kai ɗa kai,

⁹ aga e giɗimi wazagai zi ŋoyai na wiini yimi war hiini na hilu.

¹⁰ Aga e titimiɗi avut haw, asakal hanɗa e kiɗi e zi sdaɗi zi zinai ɗa ɵa, na ɓa seŋ na meefeŋ siɗi kai ɗa.

¹¹ Falakai nɵa lai, aga e zi e ɗi falakai na jrekai, e miɗi ginai kai, na hangalai, na jrekai lai war wala paŋ.

¹² Ɗai zi zinai aga e zi e ɗi ɗai na falakai piɗi ktai ktai, n'e giɗimi dalamɗi gaiɗi aliɗi pɗem.

¹³ Buri ɓa nagai n'e zi sɗa zi zinai gai futini ɗa, e nivi kol wuzani arɗi ɗai paŋ, war yimiɗi na war Yesu Kristu ɗa, e giriŋi burini wala kir kaalai.

Wala zi ŋoyai na wiini yimi

¹⁴ Mu ɗûkûɗi wazagai hanɗa gaini hiini na ɓa aga mu halaɗi aŋ tuluku gobi.

¹⁵ Amma na ɓa mu halaɗi witaw kai ɗa, aga ku sɗa payai na ku paya amlai war dalam n'Alaw, n'a tipi na wiini Alaw na karni, gaarai zaw amal na wiini jre.

¹⁶ A wala zi sispai kai, wala zi ŋoyai na wiini yimi na pin Alaw a na abai: A siŋka sini edi gaglai war neŋ-si, seze sɗik a siŋkaŋ edi aŋ jre-ɗikat seŋ a ɓaka edi miɗini arbaɗi pinzibaɗi ɗai ɗai na warɗi yai e yimi pini, a yima amai warɗi abai lai.