1 Tesalonikekai 2 - Ɗû na sɗik na wiini Alaw

Sda na Pawlus a zaŋ war Tesalonike

¹ Tiki dama ki siɗiŋ edi gaglai tawalakai, yimi na ki yimiyi siki ahaki ɗa a na kadai meere kai.

² Asakal na mi siɗi gir viya, na ɗai e siɗiyi gir aryi viya war Filipi maini na ki siɗiŋ na ɗa ɵa, tiyi mi nivi gdaŋ sini Alaw na wiimu par, aŋ ɓikiki labar na pɗem na wiini Alaw, arbani htam viya.

³ Arai zi pi na wiyi ɗa a zi wili ɗif edi kai, a zi hihir kai, a zi rhai kaalai.

⁴ Amma maini n'Alaw a titimiyi ya kapai a siyi labar na pɗem war tiyi, nɵa ɗa, tiyi mi ɓikiŋ ɗa buri firiyi na wiiɗi ɗai kai, amma aŋ sa firiyi wiini Alaw n'a tetema agulyi.

⁵ Tiyi mi hilisi gaini seŋ zi rhai kai, maini na ki siɗiŋ ɗa nɵa, hiini zi gorom waryi kaalai, Alaw a zaida.

⁶ Tiyi mi piyi kol na wiiɗi ɗai kai, na wiiki kaalai, na wiiɗi na zamai ɗa kaalai.

⁷ Kadai tiɓ ɗa ki libiyi ki ɗi tiki, maiɗi apostelai na wiini Kristu ɵa, amma tiyi mi piyi arbaki maiɗi aliyagoi n'agogoi nɵa, maiɗi emiɗi ali na te ziziniɗi aliɗi nɵa.

⁸ Nɵa a tala aryi pɗem buri mi ɓûrwi wazagaiyi paŋ gaiki war diri, a labar na pɗem na wiini Alaw ktai kai, amma suŋfaɗi agulyi lai, buri ɓa ki bindi buriyi aŋ zi diri gara.

⁹ Buri nɵa, hini midiki a kɵa burini sɗa na mi ziŋ gaini kayaiyi lai, mi zi sɗa girvudi gaini duvuk paŋ, kapai mi hini aŋ guma miɗini ktai arbaki kai, tiyi mi ɓiki labar na pɗem na wiini Alaw siki.

¹⁰ Tiki ki ɗi zaidakaiyi, Alaw nɵa lai, ɓa mi piyi arbaki war sɗik, war jre gaini seŋ midiyi kaalai, arbaki tiki zi yimi.

¹¹ Maini na ki siɗiŋ nɵa, tiyi mi zi sini asiya asiya paŋ arbaki, maini n'api a zaŋ siɗi alini nɵa,

¹² tiyi mi gidiki, mi siki arai zi pi, mi siiwiki buri ki piyi payai n'a kata arni Alaw, n'a yikikisi siɗi paini gaiɗi abaini.

¹³ Buri nɵa, tiyi lai mi si tese sin Alaw kûreɗ-kûreɗ, buri na ɓa, won hlai na ki nivi seŋni Alaw na tiyi mi ɓikiŋ siki ɗa, ki yimiŋ maini seŋ na wiini ɗif nɵa kai, amma maini n'a na fakat ɗa ɵa. A seŋ na wiini Alaw, n'a na za sda warki tiki zi yimi ɗa lai.

¹⁴ Tawalakai, tiki gaini midiki dama ki tiki ezini tipi na wiini Alaw na war Yesu Kristu n'a na war Yudiya: Ki siɗi gir tiɗi tawalakai na midini aftiki, hanɗa a gir na nagai e siɗiŋ tiɗi Yudiyakai ɗa.

¹⁵ E ɗi nagai n'e fiɗi Epiɗ-ɗai Yesu edi gaiɗi ɗai na min-Alaw lai, e siɗiyi gir aryi, e ɗi arni Alaw pɗamai kai, e fiki amai siɗi ɗai paŋ lai.

¹⁶ Nagai e ɗiliyi buri mi ɓiki seŋ siɗi pinziba na zamai ɗa, kapai e kûri kai, e vi amai na ɗa a mini tuwurɗi ɗa, amma hiy na wiini Alaw a ko midiɗi ya.

Pawlus a paiya futi buri a hala aŋ ɗûglûɗi ɗai na Tesalonike

¹⁷ Amma, tiyi ɗa tawalakai, mi ɓirwisi gaiki buri hlai n'agwi, -arki a kiɗa siyi kai sme, amma mi ɗa amlai warɗi agulki, waryi a ɵima gara aŋ hiliɗi aŋ tiliki pra, tiyi mi ɗa fiɗi was buri hanɗa gara.

¹⁸ Azi viya, mi piyi futi aŋ hiliɗi aŋ tiliki, a suwa paŋ ta Pawlus, amma Satan a ɗiliyi.

¹⁹ Biyi-na-pin-ɵeɗ gaini firiyi gaiɗi bogorai zi kol na wiyi ɗa asiya ɗa? Ki ɗi tiki kai ɗi? Won hlai n'Epiɗ-ɗaimu Yesu aga a halasi ɗa?

²⁰ Nkam, kol na wiyi gaini firiyi na wiyi ɗa ki ɗi tiki.