1 Tesalonikekai 1 - Ɗû na sɗik na wiini Alaw

Ɵiɓini wuti

¹ Pawlus gaini Silvanus gaini Timotewus, sin tipi na wiiɗi Tesalonikekai na war Alaw Api, gaini na war Epiɗ-ɗai Yesu Kristu, Alaw a siki yum gaini ɵeɗ.

Payai gaini yimi na wiiɗi Tesalonikekai

² Tiyi mi ɗa si tese sin Alaw buriki paŋ kûreɗ-kûreɗ, mi ɗa yiki yikiki war siiwa lai. Kureɗ,

³ midiyi a kɵa gaini sɗa n'a siŋkiki edi: sɗa na wiini yimi gaini sɗa zi diri, gaini siiki na war biyi-na-pin-ɵeɗ na wiini Epiɗ-ɗaimu Yesu Kristu, wuzani arni Alaw, n'Apumu.

⁴ Tawalakai n'Alaw a diriki gara, tiyi mi siɗi ɓa ki ɗi zi viri n'edi.

⁵ Burini labar na pɗem na wiyi a coɗi siki war seŋ kadai kai, amma gaini spak, gaini Seze-sɗik gaini vi amai pulmuɗuk war jre, buri ɓa tiki ki siɗi payai na mi piyiŋ arbaki aŋ pɗem na wiiki.

⁶ Tiki gaini midiki dama ki tiki eziyi, tiyi gaini Epiɗ-ɗai, ki yimi seŋ n'Alaw arbani gir viya, gaini firiyi, na sini Seze-sɗik par,

⁷ nɵa ki bindi aŋ wala na ɗai e tili sini, buriɗi zi yimi na war Makedoniya gaiɗi na war Akaya paŋ.

⁸ Buri ɓa ahaki par, wulani seŋ na wiini Epiɗ-ɗai a wasi edi, war Makedoniya gaiɗi Akaya kiini ktai taaha kai, yimiki na war Alaw ɗa a siŋka edi war hlai paŋ, haa tiyi jaayi buri mi miɗi seŋ midini kai.

⁹ Ɗai e ɗa miɗi labar midiyi, miɗini yimi na ki yimiyi ahaki ɗa, gaini bindi na ki bindisi sin Alaw, ki hinisi alawai zi rgi edi, aŋ zi ɵeŋni Alaw na karni, na jre, maiɗi bagakai nɵa,

¹⁰ aŋ baiya Ahini n'a na halasi amai war fuŋ-n'Alaw par, ni n'a ɵiyaŋsi amai arbaɗi zi mri par, Yesu, aga a plumu edi min hiy n'a na halasi.